𑁪. 𑀧𑀞𑀫𑀅𑀭𑀳𑀦𑁆𑀢𑀲𑀼𑀢𑁆𑀢𑀁

𑁪𑁭𑁪. ‘‘𑀧𑀜𑁆𑀘𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀇𑀦𑁆𑀤𑁆𑀭𑀺𑀬𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘? 𑀲𑀤𑁆𑀥𑀺𑀦𑁆𑀤𑁆𑀭𑀺𑀬𑀁, 𑀯𑀻𑀭𑀺𑀬𑀺𑀦𑁆𑀤𑁆𑀭𑀺𑀬𑀁, 𑀲𑀢𑀺𑀦𑁆𑀤𑁆𑀭𑀺𑀬𑀁, 𑀲𑀫𑀸𑀥𑀺𑀦𑁆𑀤𑁆𑀭𑀺𑀬𑀁, 𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀁. 𑀬𑀢𑁄 𑀔𑁄, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑁄 𑀇𑀫𑁂𑀲𑀁 𑀧𑀜𑁆𑀘𑀦𑁆𑀦𑀁 𑀇𑀦𑁆𑀤𑁆𑀭𑀺𑀬𑀸𑀦𑀁 𑀅𑀲𑁆𑀲𑀸𑀤𑀜𑁆𑀘 [𑀲𑀫𑀼𑀤𑀬𑀜𑁆𑀘 𑀅𑀢𑁆𑀣𑀗𑁆𑀕𑀫𑀜𑁆𑀘 𑀅𑀲𑁆𑀲𑀸𑀤𑀜𑁆𑀘 (𑀲𑁆𑀬𑀸. 𑀓𑀁. 𑀧𑀻. 𑀓.) 𑀲𑀁. 𑀦𑀺. 𑁨.𑁧𑁭𑁫] 𑀆𑀤𑀻𑀦𑀯𑀜𑁆𑀘 𑀦𑀺𑀲𑁆𑀲𑀭𑀡𑀜𑁆𑀘 𑀬𑀣𑀸𑀪𑀽𑀢𑀁 𑀯𑀺𑀤𑀺𑀢𑁆𑀯𑀸 𑀅𑀦𑀼𑀧𑀸𑀤𑀸𑀯𑀺𑀫𑀼𑀢𑁆𑀢𑁄 𑀳𑁄𑀢𑀺 𑁋 𑀅𑀬𑀁 𑀯𑀼𑀘𑁆𑀘𑀢𑀺, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀭𑀳𑀁 𑀔𑀻𑀡𑀸𑀲𑀯𑁄 𑀯𑀼𑀲𑀺𑀢𑀯𑀸 𑀓𑀢𑀓𑀭𑀡𑀻𑀬𑁄 𑀑𑀳𑀺𑀢𑀪𑀸𑀭𑁄 𑀅𑀦𑀼𑀧𑁆𑀧𑀢𑁆𑀢𑀲𑀤𑀢𑁆𑀣𑁄 𑀧𑀭𑀺𑀓𑁆𑀔𑀻𑀡𑀪𑀯𑀲𑀁𑀬𑁄𑀚𑀦𑁄 𑀲𑀫𑁆𑀫𑀤𑀜𑁆𑀜𑀸 𑀯𑀺𑀫𑀼𑀢𑁆𑀢𑁄’’𑀢𑀺. 𑀘𑀢𑀼𑀢𑁆𑀣𑀁.