𑁧𑁦. 𑀤𑀼𑀢𑀺𑀬𑀉𑀧𑁆𑀧𑀦𑁆𑀦𑀲𑀼𑀢𑁆𑀢𑀁

𑁧𑁯𑁧. ‘‘𑀲𑀢𑁆𑀢𑀺𑀫𑁂, 𑀪𑀺𑀓𑁆𑀔𑀯𑁂, 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀅𑀦𑀼𑀧𑁆𑀧𑀦𑁆𑀦𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀦𑀸𑀜𑁆𑀜𑀢𑁆𑀭 𑀲𑀼𑀕𑀢𑀯𑀺𑀦𑀬𑀸. 𑀓𑀢𑀫𑁂 𑀲𑀢𑁆𑀢? 𑀲𑀢𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑁄…𑀧𑁂… 𑀉𑀧𑁂𑀓𑁆𑀔𑀸𑀲𑀫𑁆𑀩𑁄𑀚𑁆𑀛𑀗𑁆𑀕𑁄 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀲𑀢𑁆𑀢 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀅𑀦𑀼𑀧𑁆𑀧𑀦𑁆𑀦𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀦𑀸𑀜𑁆𑀜𑀢𑁆𑀭 𑀲𑀼𑀕𑀢𑀯𑀺𑀦𑀬𑀸’’𑀢𑀺. 𑀤𑀲𑀫𑀁.

𑀧𑀩𑁆𑀩𑀢𑀯𑀕𑁆𑀕𑁄 𑀧𑀞𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀳𑀺𑀫𑀯𑀦𑁆𑀢𑀁 𑀓𑀸𑀬𑀁 𑀲𑀻𑀮𑀁, 𑀯𑀢𑁆𑀣𑀁 𑀪𑀺𑀓𑁆𑀔𑀼 𑀘 𑀓𑀼𑀡𑁆𑀟𑀮𑀺;

𑀓𑀽𑀝𑀜𑁆𑀘 𑀉𑀧𑀯𑀸𑀦𑀜𑁆𑀘, 𑀉𑀧𑁆𑀧𑀦𑁆𑀦𑀸 𑀅𑀧𑀭𑁂 𑀤𑀼𑀯𑁂𑀢𑀺.