𑁯. 𑀲𑀗𑁆𑀓𑀸𑀲𑀦𑀲𑀼𑀢𑁆𑀢𑀁

𑁧𑁦𑁮𑁯. ‘‘‘𑀇𑀤𑀁 𑀤𑀼𑀓𑁆𑀔𑀁 𑀅𑀭𑀺𑀬𑀲𑀘𑁆𑀘’𑀦𑁆𑀢𑀺 𑀪𑀺𑀓𑁆𑀔𑀯𑁂, 𑀫𑀬𑀸 𑀧𑀜𑁆𑀜𑀢𑁆𑀢𑀁. 𑀢𑀢𑁆𑀣 𑀅𑀧𑀭𑀺𑀫𑀸𑀡𑀸 𑀯𑀡𑁆𑀡𑀸 𑀅𑀧𑀭𑀺𑀫𑀸𑀡𑀸 𑀩𑁆𑀬𑀜𑁆𑀚𑀦𑀸 𑀅𑀧𑀭𑀺𑀫𑀸𑀡𑀸 𑀲𑀗𑁆𑀓𑀸𑀲𑀦𑀸 𑁋 ‘𑀇𑀢𑀺𑀧𑀺𑀤𑀁 𑀤𑀼𑀓𑁆𑀔𑀁 𑀅𑀭𑀺𑀬𑀲𑀘𑁆𑀘’𑀦𑁆𑀢𑀺; 𑀇𑀤𑀁 𑀤𑀼𑀓𑁆𑀔𑀲𑀫𑀼𑀤𑀬𑀁…𑀧𑁂… 𑀇𑀤𑀁 𑀤𑀼𑀓𑁆𑀔𑀦𑀺𑀭𑁄𑀥𑀁…𑀧𑁂… ‘𑀇𑀤𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸 𑀅𑀭𑀺𑀬𑀲𑀘𑁆𑀘’𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀫𑀬𑀸 𑀧𑀜𑁆𑀜𑀢𑁆𑀢𑀁. 𑀢𑀢𑁆𑀣 𑀅𑀧𑀭𑀺𑀫𑀸𑀡𑀸 𑀯𑀡𑁆𑀡𑀸 𑀅𑀧𑀭𑀺𑀫𑀸𑀡𑀸 𑀩𑁆𑀬𑀜𑁆𑀚𑀦𑀸 𑀅𑀧𑀭𑀺𑀫𑀸𑀡𑀸 𑀲𑀗𑁆𑀓𑀸𑀲𑀦𑀸 𑁋 ‘𑀇𑀢𑀺𑀧𑀺𑀤𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸 𑀅𑀭𑀺𑀬𑀲𑀘𑁆𑀘’𑀦𑁆𑀢𑀺.

‘‘𑀢𑀲𑁆𑀫𑀸𑀢𑀺𑀳, 𑀪𑀺𑀓𑁆𑀔𑀯𑁂, ‘𑀇𑀤𑀁 𑀤𑀼𑀓𑁆𑀔’𑀦𑁆𑀢𑀺 𑀬𑁄𑀕𑁄 𑀓𑀭𑀡𑀻𑀬𑁄…𑀧𑁂… ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸’𑀢𑀺 𑀬𑁄𑀕𑁄 𑀓𑀭𑀡𑀻𑀬𑁄’’𑀢𑀺. 𑀦𑀯𑀫𑀁.