𑁭. 𑀫𑀳𑀸𑀧𑀜𑁆𑀜𑀯𑀕𑁆𑀕𑁄

𑁧. 𑀫𑀳𑀸𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁫𑁮. ‘‘𑀘𑀢𑁆𑀢𑀸𑀭𑁄𑀫𑁂, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀫𑀳𑀸𑀧𑀜𑁆𑀜𑀢𑀸𑀬 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀘𑀢𑁆𑀢𑀸𑀭𑁄? 𑀲𑀧𑁆𑀧𑀼𑀭𑀺𑀲𑀲𑀁𑀲𑁂𑀯𑁄, 𑀲𑀤𑁆𑀥𑀫𑁆𑀫𑀲𑁆𑀲𑀯𑀦𑀁, 𑀬𑁄𑀦𑀺𑀲𑁄𑀫𑀦𑀲𑀺𑀓𑀸𑀭𑁄, 𑀥𑀫𑁆𑀫𑀸𑀦𑀼𑀥𑀫𑁆𑀫𑀧𑁆𑀧𑀝𑀺𑀧𑀢𑁆𑀢𑀺 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀘𑀢𑁆𑀢𑀸𑀭𑁄 𑀥𑀫𑁆𑀫𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀫𑀳𑀸𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀧𑀞𑀫𑀁.

𑁨. 𑀧𑀼𑀣𑀼𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁫𑁯. … 𑀧𑀼𑀣𑀼𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀤𑀼𑀢𑀺𑀬𑀁.

𑁩. 𑀯𑀺𑀧𑀼𑀮𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁦. … 𑀯𑀺𑀧𑀼𑀮𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀢𑀢𑀺𑀬𑀁.

𑁪. 𑀕𑀫𑁆𑀪𑀻𑀭𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁧. … 𑀕𑀫𑁆𑀪𑀻𑀭𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀘𑀢𑀼𑀢𑁆𑀣𑀁.

𑁫. 𑀅𑀧𑁆𑀧𑀫𑀢𑁆𑀢𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁨. … 𑀅𑀧𑁆𑀧𑀫𑀢𑁆𑀢𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀧𑀜𑁆𑀘𑀫𑀁.

𑁬. 𑀪𑀽𑀭𑀺𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁩. … 𑀪𑀽𑀭𑀺𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀙𑀝𑁆𑀞𑀁.

𑁭. 𑀧𑀜𑁆𑀜𑀸𑀩𑀸𑀳𑀼𑀮𑁆𑀮𑀲𑀼𑀢𑁆𑀢𑀁

𑁧𑁦𑁬𑁪. … 𑀧𑀜𑁆𑀜𑀸𑀩𑀸𑀳𑀼𑀮𑁆𑀮𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀲𑀢𑁆𑀢𑀫𑀁.

𑁮. 𑀲𑀻𑀖𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁫. … 𑀲𑀻𑀖𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀅𑀝𑁆𑀞𑀫𑀁.

𑁯. 𑀮𑀳𑀼𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁬. … 𑀮𑀳𑀼𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀦𑀯𑀫𑀁.

𑁧𑁦. 𑀳𑀸𑀲𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁭. … 𑀳𑀸𑀲𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀤𑀲𑀫𑀁.

𑁧𑁧. 𑀚𑀯𑀦𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁮. … 𑀚𑀯𑀦𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀏𑀓𑀸𑀤𑀲𑀫𑀁.

𑁧𑁨. 𑀢𑀺𑀓𑁆𑀔𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁬𑁯. … 𑀢𑀺𑀓𑁆𑀔𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀤𑁆𑀯𑀸𑀤𑀲𑀫𑀁.

𑁧𑁩. 𑀦𑀺𑀩𑁆𑀩𑁂𑀥𑀺𑀓𑀧𑀜𑁆𑀜𑀸𑀲𑀼𑀢𑁆𑀢𑀁

𑁧𑁦𑁭𑁦. … 𑀦𑀺𑀩𑁆𑀩𑁂𑀥𑀺𑀓𑀧𑀜𑁆𑀜𑀢𑀸 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀘𑀢𑁆𑀢𑀸𑀭𑁄? 𑀲𑀧𑁆𑀧𑀼𑀭𑀺𑀲𑀲𑀁𑀲𑁂𑀯𑁄, 𑀲𑀤𑁆𑀥𑀫𑁆𑀫𑀲𑁆𑀲𑀯𑀦𑀁, 𑀬𑁄𑀦𑀺𑀲𑁄𑀫𑀦𑀲𑀺𑀓𑀸𑀭𑁄, 𑀥𑀫𑁆𑀫𑀸𑀦𑀼𑀥𑀫𑁆𑀫𑀧𑁆𑀧𑀝𑀺𑀧𑀢𑁆𑀢𑀺 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀘𑀢𑁆𑀢𑀸𑀭𑁄 𑀥𑀫𑁆𑀫𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀦𑀺𑀩𑁆𑀩𑁂𑀥𑀺𑀓𑀧𑀜𑁆𑀜𑀢𑀸𑀬 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀢𑁂𑀭𑀲𑀫𑀁.

𑀫𑀳𑀸𑀧𑀜𑁆𑀜𑀯𑀕𑁆𑀕𑁄 𑀲𑀢𑁆𑀢𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀫𑀳𑀸 𑀧𑀼𑀣𑀼 𑀯𑀺𑀧𑀼𑀮-𑀕𑀫𑁆𑀪𑀻𑀭𑀁, 𑀅𑀧𑁆𑀧𑀫𑀢𑁆𑀢-𑀪𑀽𑀭𑀺-𑀩𑀸𑀳𑀼𑀮𑁆𑀮𑀁;

𑀲𑀻𑀖-𑀮𑀳𑀼-𑀳𑀸𑀲-𑀚𑀯𑀦, 𑀢𑀺𑀓𑁆𑀔-𑀦𑀺𑀩𑁆𑀩𑁂𑀥𑀺𑀓𑀸𑀬 𑀘𑀸𑀢𑀺.

𑀲𑁄𑀢𑀸𑀧𑀢𑁆𑀢𑀺𑀲𑀁𑀬𑀼𑀢𑁆𑀢𑀁 𑀏𑀓𑀸𑀤𑀲𑀫𑀁.