𑁭. 𑀓𑀼𑀫𑁆𑀪𑀲𑀼𑀢𑁆𑀢𑀁

𑁨𑁭. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀓𑀼𑀫𑁆𑀪𑁄 𑀅𑀦𑀸𑀥𑀸𑀭𑁄 𑀲𑀼𑀧𑁆𑀧𑀯𑀢𑁆𑀢𑀺𑀬𑁄 𑀳𑁄𑀢𑀺, 𑀲𑀸𑀥𑀸𑀭𑁄 𑀤𑀼𑀧𑁆𑀧𑀯𑀢𑁆𑀢𑀺𑀬𑁄 𑀳𑁄𑀢𑀺; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀘𑀺𑀢𑁆𑀢𑀁 𑀅𑀦𑀸𑀥𑀸𑀭𑀁 𑀲𑀼𑀧𑁆𑀧𑀯𑀢𑁆𑀢𑀺𑀬𑀁 𑀳𑁄𑀢𑀺, 𑀲𑀸𑀥𑀸𑀭𑀁 𑀤𑀼𑀧𑁆𑀧𑀯𑀢𑁆𑀢𑀺𑀬𑀁 𑀳𑁄𑀢𑀺. 𑀓𑁄 𑀘, 𑀪𑀺𑀓𑁆𑀔𑀯𑁂, 𑀘𑀺𑀢𑁆𑀢𑀲𑁆𑀲 𑀆𑀥𑀸𑀭𑁄? 𑀅𑀬𑀫𑁂𑀯 𑀅𑀭𑀺𑀬𑁄 𑀅𑀝𑁆𑀞𑀗𑁆𑀕𑀺𑀓𑁄 𑀫𑀕𑁆𑀕𑁄, 𑀲𑁂𑀬𑁆𑀬𑀣𑀺𑀤𑀁 𑁋 𑀲𑀫𑁆𑀫𑀸𑀤𑀺𑀝𑁆𑀞𑀺…𑀧𑁂… 𑀲𑀫𑁆𑀫𑀸𑀲𑀫𑀸𑀥𑀺. 𑀅𑀬𑀁 𑀘𑀺𑀢𑁆𑀢𑀲𑁆𑀲 𑀆𑀥𑀸𑀭𑁄. 𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀓𑀼𑀫𑁆𑀪𑁄 𑀅𑀦𑀸𑀥𑀸𑀭𑁄 𑀲𑀼𑀧𑁆𑀧𑀯𑀢𑁆𑀢𑀺𑀬𑁄 𑀳𑁄𑀢𑀺, 𑀲𑀸𑀥𑀸𑀭𑁄 𑀤𑀼𑀧𑁆𑀧𑀯𑀢𑁆𑀢𑀺𑀬𑁄 𑀳𑁄𑀢𑀺; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀘𑀺𑀢𑁆𑀢𑀁 𑀅𑀦𑀸𑀥𑀸𑀭𑀁 𑀲𑀼𑀧𑁆𑀧𑀯𑀢𑁆𑀢𑀺𑀬𑀁 𑀳𑁄𑀢𑀺, 𑀲𑀸𑀥𑀸𑀭𑀁 𑀤𑀼𑀧𑁆𑀧𑀯𑀢𑁆𑀢𑀺𑀬𑀁 𑀳𑁄𑀢𑀻’’𑀢𑀺. 𑀲𑀢𑁆𑀢𑀫𑀁.