𑁨-𑁬. 𑀤𑀼𑀢𑀺𑀬𑀸𑀤𑀺𑀲𑀫𑀼𑀤𑁆𑀤𑀦𑀺𑀦𑁆𑀦𑀲𑀼𑀢𑁆𑀢𑀧𑀜𑁆𑀘𑀓𑀁

𑁧𑁧𑁦. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀬𑀫𑀼𑀦𑀸 𑀦𑀤𑀻 𑀲𑀫𑀼𑀤𑁆𑀤𑀦𑀺𑀦𑁆𑀦𑀸 𑀲𑀫𑀼𑀤𑁆𑀤𑀧𑁄𑀡𑀸 𑀲𑀫𑀼𑀤𑁆𑀤𑀧𑀩𑁆𑀪𑀸𑀭𑀸; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼…𑀧𑁂… 𑀤𑀼𑀢𑀺𑀬𑀁.

𑁧𑁧𑁧. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀅𑀘𑀺𑀭𑀯𑀢𑀻 𑀦𑀤𑀻 𑀲𑀫𑀼𑀤𑁆𑀤𑀦𑀺𑀦𑁆𑀦𑀸 𑀲𑀫𑀼𑀤𑁆𑀤𑀧𑁄𑀡𑀸 𑀲𑀫𑀼𑀤𑁆𑀤𑀧𑀩𑁆𑀪𑀸𑀭𑀸; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼…𑀧𑁂… 𑀢𑀢𑀺𑀬𑀁.

𑁧𑁧𑁨. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀲𑀭𑀪𑀽 𑀦𑀤𑀻 𑀲𑀫𑀼𑀤𑁆𑀤𑀦𑀺𑀦𑁆𑀦𑀸 𑀲𑀫𑀼𑀤𑁆𑀤𑀧𑁄𑀡𑀸 𑀲𑀫𑀼𑀤𑁆𑀤𑀧𑀩𑁆𑀪𑀸𑀭𑀸; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼…𑀧𑁂… 𑀘𑀢𑀼𑀢𑁆𑀣𑀁.

𑁧𑁧𑁩. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀫𑀳𑀻 𑀦𑀤𑀻 𑀲𑀫𑀼𑀤𑁆𑀤𑀦𑀺𑀦𑁆𑀦𑀸 𑀲𑀫𑀼𑀤𑁆𑀤𑀧𑁄𑀡𑀸 𑀲𑀫𑀼𑀤𑁆𑀤𑀧𑀩𑁆𑀪𑀸𑀭𑀸; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼…𑀧𑁂… 𑀧𑀜𑁆𑀘𑀫𑀁.

𑁧𑁧𑁪. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀬𑀸 𑀓𑀸𑀘𑀺𑀫𑀸 𑀫𑀳𑀸𑀦𑀤𑀺𑀬𑁄, 𑀲𑁂𑀬𑁆𑀬𑀣𑀺𑀤𑀁 𑁋 𑀕𑀗𑁆𑀕𑀸, 𑀬𑀫𑀼𑀦𑀸, 𑀅𑀘𑀺𑀭𑀯𑀢𑀻, 𑀲𑀭𑀪𑀽, 𑀫𑀳𑀻, 𑀲𑀩𑁆𑀩𑀸 𑀢𑀸 𑀲𑀫𑀼𑀤𑁆𑀤𑀦𑀺𑀦𑁆𑀦𑀸 𑀲𑀫𑀼𑀤𑁆𑀤𑀧𑁄𑀡𑀸 𑀲𑀫𑀼𑀤𑁆𑀤𑀧𑀩𑁆𑀪𑀸𑀭𑀸; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀭𑀺𑀬𑀁 𑀅𑀝𑁆𑀞𑀗𑁆𑀕𑀺𑀓𑀁 𑀫𑀕𑁆𑀕𑀁 𑀪𑀸𑀯𑁂𑀦𑁆𑀢𑁄 𑀅𑀭𑀺𑀬𑀁 𑀅𑀝𑁆𑀞𑀗𑁆𑀕𑀺𑀓𑀁 𑀫𑀕𑁆𑀕𑀁 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄. 𑀓𑀣𑀜𑁆𑀘, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀭𑀺𑀬𑀁 𑀅𑀝𑁆𑀞𑀗𑁆𑀕𑀺𑀓𑀁 𑀫𑀕𑁆𑀕𑀁 𑀪𑀸𑀯𑁂𑀦𑁆𑀢𑁄 𑀅𑀭𑀺𑀬𑀁 𑀅𑀝𑁆𑀞𑀗𑁆𑀕𑀺𑀓𑀁 𑀫𑀕𑁆𑀕𑀁 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀫𑀸𑀤𑀺𑀝𑁆𑀞𑀺𑀁 𑀪𑀸𑀯𑁂𑀢𑀺 𑀭𑀸𑀕𑀯𑀺𑀦𑀬𑀧𑀭𑀺𑀬𑁄𑀲𑀸𑀦𑀁 𑀤𑁄𑀲𑀯𑀺𑀦𑀬𑀧𑀭𑀺𑀬𑁄𑀲𑀸𑀦𑀁 𑀫𑁄𑀳𑀯𑀺𑀦𑀬𑀧𑀭𑀺𑀬𑁄𑀲𑀸𑀦𑀁…𑀧𑁂… 𑀲𑀫𑁆𑀫𑀸𑀲𑀫𑀸𑀥𑀺𑀁 𑀪𑀸𑀯𑁂𑀢𑀺 𑀭𑀸𑀕𑀯𑀺𑀦𑀬𑀧𑀭𑀺𑀬𑁄𑀲𑀸𑀦𑀁 𑀤𑁄𑀲𑀯𑀺𑀦𑀬𑀧𑀭𑀺𑀬𑁄𑀲𑀸𑀦𑀁 𑀫𑁄𑀳𑀯𑀺𑀦𑀬𑀧𑀭𑀺𑀬𑁄𑀲𑀸𑀦𑀁. 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀭𑀺𑀬𑀁 𑀅𑀝𑁆𑀞𑀗𑁆𑀕𑀺𑀓𑀁 𑀫𑀕𑁆𑀕𑀁 𑀪𑀸𑀯𑁂𑀦𑁆𑀢𑁄 𑀅𑀭𑀺𑀬𑀁 𑀅𑀝𑁆𑀞𑀗𑁆𑀕𑀺𑀓𑀁 𑀫𑀕𑁆𑀕𑀁 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄’’𑀢𑀺. 𑀙𑀝𑁆𑀞𑀁.

(𑀭𑀸𑀕𑀯𑀺𑀦𑀬𑀤𑁆𑀯𑀸𑀤𑀲𑀓𑀻 𑀤𑀼𑀢𑀺𑀬𑀓𑀻 𑀲𑀫𑀼𑀤𑁆𑀤𑀦𑀺𑀦𑁆𑀦𑀦𑁆𑀢𑀺).