𑁨. 𑀤𑀼𑀓𑁆𑀓𑀭𑀲𑀼𑀢𑁆𑀢𑀁

𑁩𑁩𑁧. ‘‘𑀓𑀺𑀁 𑀦𑀼 𑀔𑁄, 𑀆𑀯𑀼𑀲𑁄 𑀲𑀸𑀭𑀺𑀧𑀼𑀢𑁆𑀢, 𑀇𑀫𑀲𑁆𑀫𑀺𑀁 𑀥𑀫𑁆𑀫𑀯𑀺𑀦𑀬𑁂 𑀤𑀼𑀓𑁆𑀓𑀭’’𑀦𑁆𑀢𑀺? ‘‘𑀧𑀩𑁆𑀩𑀚𑁆𑀚𑀸 𑀔𑁄, 𑀆𑀯𑀼𑀲𑁄, 𑀇𑀫𑀲𑁆𑀫𑀺𑀁 𑀥𑀫𑁆𑀫𑀯𑀺𑀦𑀬𑁂 𑀤𑀼𑀓𑁆𑀓𑀭𑀸’’𑀢𑀺. ‘‘𑀧𑀩𑁆𑀩𑀚𑀺𑀢𑁂𑀦 𑀧𑀦𑀸𑀯𑀼𑀲𑁄, 𑀓𑀺𑀁 𑀤𑀼𑀓𑁆𑀓𑀭’’𑀦𑁆𑀢𑀺? ‘‘𑀧𑀩𑁆𑀩𑀚𑀺𑀢𑁂𑀦 𑀔𑁄, 𑀆𑀯𑀼𑀲𑁄, 𑀅𑀪𑀺𑀭𑀢𑀺 𑀤𑀼𑀓𑁆𑀓𑀭𑀸’’𑀢𑀺. ‘‘𑀅𑀪𑀺𑀭𑀢𑁂𑀦 𑀧𑀦𑀸𑀯𑀼𑀲𑁄, 𑀓𑀺𑀁 𑀤𑀼𑀓𑁆𑀓𑀭’’𑀦𑁆𑀢𑀺? ‘‘𑀅𑀪𑀺𑀭𑀢𑁂𑀦 𑀔𑁄, 𑀆𑀯𑀼𑀲𑁄, 𑀥𑀫𑁆𑀫𑀸𑀦𑀼𑀥𑀫𑁆𑀫𑀧𑁆𑀧𑀝𑀺𑀧𑀢𑁆𑀢𑀺 𑀤𑀼𑀓𑁆𑀓𑀭𑀸’’𑀢𑀺. ‘‘𑀓𑀻𑀯𑀘𑀺𑀭𑀁 𑀧𑀦𑀸𑀯𑀼𑀲𑁄, 𑀥𑀫𑁆𑀫𑀸𑀦𑀼𑀥𑀫𑁆𑀫𑀧𑁆𑀧𑀝𑀺𑀧𑀦𑁆𑀦𑁄 𑀪𑀺𑀓𑁆𑀔𑀼 𑀅𑀭𑀳𑀁 𑀅𑀲𑁆𑀲𑀸’’𑀢𑀺? ‘‘𑀦𑀘𑀺𑀭𑀁, 𑀆𑀯𑀼𑀲𑁄’’𑀢𑀺. 𑀲𑁄𑀴𑀲𑀫𑀁.

(𑀧𑀼𑀭𑀺𑀫𑀓𑀲𑀤𑀺𑀲𑀁 𑀉𑀤𑁆𑀤𑀸𑀦𑀁.)

𑀲𑀸𑀫𑀡𑁆𑀟𑀓𑀲𑀁𑀬𑀼𑀢𑁆𑀢𑀁 𑀲𑀫𑀢𑁆𑀢𑀁.