𑁫. 𑀭𑀸𑀥𑀅𑀦𑀢𑁆𑀢𑀲𑀼𑀢𑁆𑀢𑀁

𑁭𑁮. ‘‘𑀬𑁄 𑀔𑁄, 𑀭𑀸𑀥, 𑀅𑀦𑀢𑁆𑀢𑀸 𑀢𑀢𑁆𑀭 𑀢𑁂 𑀙𑀦𑁆𑀤𑁄 𑀧𑀳𑀸𑀢𑀩𑁆𑀩𑁄. 𑀓𑁄 𑀘, 𑀭𑀸𑀥, 𑀅𑀦𑀢𑁆𑀢𑀸? 𑀘𑀓𑁆𑀔𑀼 𑀔𑁄, 𑀭𑀸𑀥, 𑀅𑀦𑀢𑁆𑀢𑀸. 𑀢𑀢𑁆𑀭 𑀢𑁂 𑀙𑀦𑁆𑀤𑁄 𑀧𑀳𑀸𑀢𑀩𑁆𑀩𑁄. 𑀭𑀽𑀧𑀸… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁… 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑁄… 𑀬𑀫𑁆𑀧𑀺𑀤𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀧𑀘𑁆𑀘𑀬𑀸…𑀧𑁂… 𑀫𑀦𑁄 𑀅𑀦𑀢𑁆𑀢𑀸… 𑀥𑀫𑁆𑀫𑀸… 𑀫𑀦𑁄𑀯𑀺𑀜𑁆𑀜𑀸𑀡𑀁… 𑀫𑀦𑁄𑀲𑀫𑁆𑀨𑀲𑁆𑀲𑁄… 𑀬𑀫𑁆𑀧𑀺𑀤𑀁 𑀫𑀦𑁄𑀲𑀫𑁆𑀨𑀲𑁆𑀲𑀧𑀘𑁆𑀘𑀬𑀸 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀬𑀺𑀢𑀁 𑀲𑀼𑀔𑀁 𑀯𑀸 𑀤𑀼𑀓𑁆𑀔𑀁 𑀯𑀸 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑀸 𑀢𑀫𑁆𑀧𑀺 𑀅𑀦𑀢𑁆𑀢𑀸. 𑀢𑀢𑁆𑀭 𑀢𑁂 𑀙𑀦𑁆𑀤𑁄 𑀧𑀳𑀸𑀢𑀩𑁆𑀩𑁄. 𑀬𑁄 𑀔𑁄, 𑀭𑀸𑀥, 𑀅𑀦𑀢𑁆𑀢𑀸 𑀢𑀢𑁆𑀭 𑀢𑁂 𑀙𑀦𑁆𑀤𑁄 𑀧𑀳𑀸𑀢𑀩𑁆𑀩𑁄’’𑀢𑀺. 𑀧𑀜𑁆𑀘𑀫𑀁.