𑁮. 𑀤𑀼𑀢𑀺𑀬𑀸𑀪𑀺𑀦𑀦𑁆𑀤𑀲𑀼𑀢𑁆𑀢𑀁

𑁨𑁦. ‘‘𑀬𑁄, 𑀪𑀺𑀓𑁆𑀔𑀯𑁂, 𑀭𑀽𑀧𑁂 𑀅𑀪𑀺𑀦𑀦𑁆𑀤𑀢𑀺, 𑀤𑀼𑀓𑁆𑀔𑀁 𑀲𑁄 𑀅𑀪𑀺𑀦𑀦𑁆𑀤𑀢𑀺. 𑀬𑁄 𑀤𑀼𑀓𑁆𑀔𑀁 𑀅𑀪𑀺𑀦𑀦𑁆𑀤𑀢𑀺, 𑀅𑀧𑀭𑀺𑀫𑀼𑀢𑁆𑀢𑁄 𑀲𑁄 𑀤𑀼𑀓𑁆𑀔𑀲𑁆𑀫𑀸𑀢𑀺 𑀯𑀤𑀸𑀫𑀺. 𑀬𑁄 𑀲𑀤𑁆𑀤𑁂…𑀧𑁂… 𑀕𑀦𑁆𑀥𑁂… 𑀭𑀲𑁂… 𑀨𑁄𑀝𑁆𑀞𑀩𑁆𑀩𑁂… 𑀥𑀫𑁆𑀫𑁂 𑀅𑀪𑀺𑀦𑀦𑁆𑀤𑀢𑀺, 𑀤𑀼𑀓𑁆𑀔𑀁 𑀲𑁄 𑀅𑀪𑀺𑀦𑀦𑁆𑀤𑀢𑀺. 𑀬𑁄 𑀤𑀼𑀓𑁆𑀔𑀁 𑀅𑀪𑀺𑀦𑀦𑁆𑀤𑀢𑀺, 𑀅𑀧𑀭𑀺𑀫𑀼𑀢𑁆𑀢𑁄 𑀲𑁄 𑀤𑀼𑀓𑁆𑀔𑀲𑁆𑀫𑀸’’𑀢𑀺 𑀯𑀤𑀸𑀫𑀺.

‘‘𑀬𑁄 𑀘 𑀔𑁄, 𑀪𑀺𑀓𑁆𑀔𑀯𑁂, 𑀭𑀽𑀧𑁂 𑀦𑀸𑀪𑀺𑀦𑀦𑁆𑀤𑀢𑀺, 𑀤𑀼𑀓𑁆𑀔𑀁 𑀲𑁄 𑀦𑀸𑀪𑀺𑀦𑀦𑁆𑀤𑀢𑀺. 𑀬𑁄 𑀤𑀼𑀓𑁆𑀔𑀁 𑀦𑀸𑀪𑀺𑀦𑀦𑁆𑀤𑀢𑀺, 𑀧𑀭𑀺𑀫𑀼𑀢𑁆𑀢𑁄 𑀲𑁄 𑀤𑀼𑀓𑁆𑀔𑀲𑁆𑀫𑀸𑀢𑀺 𑀯𑀤𑀸𑀫𑀺. 𑀬𑁄 𑀲𑀤𑁆𑀤𑁂…𑀧𑁂… 𑀕𑀦𑁆𑀥𑁂… 𑀭𑀲𑁂… 𑀨𑁄𑀝𑁆𑀞𑀩𑁆𑀩𑁂… 𑀥𑀫𑁆𑀫𑁂 𑀦𑀸𑀪𑀺𑀦𑀦𑁆𑀤𑀢𑀺, 𑀤𑀼𑀓𑁆𑀔𑀁 𑀲𑁄 𑀦𑀸𑀪𑀺𑀦𑀦𑁆𑀤𑀢𑀺. 𑀬𑁄 𑀤𑀼𑀓𑁆𑀔𑀁 𑀦𑀸𑀪𑀺𑀦𑀦𑁆𑀤𑀢𑀺, 𑀧𑀭𑀺𑀫𑀼𑀢𑁆𑀢𑁄 𑀲𑁄 𑀤𑀼𑀓𑁆𑀔𑀲𑁆𑀫𑀸’’𑀢𑀺 𑀯𑀤𑀸𑀫𑀺. 𑀅𑀝𑁆𑀞𑀫𑀁.