𑁪. 𑀩𑀸𑀳𑀺𑀭𑀅𑀦𑀺𑀘𑁆𑀘𑀦𑀦𑁆𑀤𑀺𑀓𑁆𑀔𑀬𑀲𑀼𑀢𑁆𑀢𑀁

𑁧𑁫𑁯. ‘‘𑀭𑀽𑀧𑁂, 𑀪𑀺𑀓𑁆𑀔𑀯𑁂, 𑀬𑁄𑀦𑀺𑀲𑁄 𑀫𑀦𑀲𑀺 𑀓𑀭𑁄𑀣; 𑀭𑀽𑀧𑀸𑀦𑀺𑀘𑁆𑀘𑀢𑀜𑁆𑀘 𑀬𑀣𑀸𑀪𑀽𑀢𑀁 𑀲𑀫𑀦𑀼𑀧𑀲𑁆𑀲𑀣. 𑀭𑀽𑀧𑁂, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀬𑁄𑀦𑀺𑀲𑁄 𑀫𑀦𑀲𑀺𑀓𑀭𑁄𑀦𑁆𑀢𑁄, 𑀭𑀽𑀧𑀸𑀦𑀺𑀘𑁆𑀘𑀢𑀜𑁆𑀘 𑀬𑀣𑀸𑀪𑀽𑀢𑀁 𑀲𑀫𑀦𑀼𑀧𑀲𑁆𑀲𑀦𑁆𑀢𑁄 𑀭𑀽𑀧𑁂𑀲𑀼𑀧𑀺 𑀦𑀺𑀩𑁆𑀩𑀺𑀦𑁆𑀤𑀢𑀺. 𑀦𑀦𑁆𑀤𑀺𑀓𑁆𑀔𑀬𑀸 𑀭𑀸𑀕𑀓𑁆𑀔𑀬𑁄; 𑀭𑀸𑀕𑀓𑁆𑀔𑀬𑀸 𑀦𑀦𑁆𑀤𑀺𑀓𑁆𑀔𑀬𑁄. 𑀦𑀦𑁆𑀤𑀺𑀭𑀸𑀕𑀓𑁆𑀔𑀬𑀸 𑀘𑀺𑀢𑁆𑀢𑀁 𑀲𑀼𑀯𑀺𑀫𑀼𑀢𑁆𑀢𑀦𑁆𑀢𑀺 𑀯𑀼𑀘𑁆𑀘𑀢𑀺. 𑀲𑀤𑁆𑀤𑁂… 𑀕𑀦𑁆𑀥𑁂… 𑀭𑀲𑁂… 𑀨𑁄𑀝𑁆𑀞𑀩𑁆𑀩𑁂… 𑀥𑀫𑁆𑀫𑁂, 𑀪𑀺𑀓𑁆𑀔𑀯𑁂, 𑀬𑁄𑀦𑀺𑀲𑁄 𑀫𑀦𑀲𑀺 𑀓𑀭𑁄𑀣; 𑀥𑀫𑁆𑀫𑀸𑀦𑀺𑀘𑁆𑀘𑀢𑀜𑁆𑀘 𑀬𑀣𑀸𑀪𑀽𑀢𑀁 𑀲𑀫𑀦𑀼𑀧𑀲𑁆𑀲𑀣. 𑀥𑀫𑁆𑀫𑁂, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀬𑁄𑀦𑀺𑀲𑁄 𑀫𑀦𑀲𑀺𑀓𑀭𑁄𑀦𑁆𑀢𑁄, 𑀥𑀫𑁆𑀫𑀸𑀦𑀺𑀘𑁆𑀘𑀢𑀜𑁆𑀘 𑀬𑀣𑀸𑀪𑀽𑀢𑀁 𑀲𑀫𑀦𑀼𑀧𑀲𑁆𑀲𑀦𑁆𑀢𑁄 𑀥𑀫𑁆𑀫𑁂𑀲𑀼𑀧𑀺 𑀦𑀺𑀩𑁆𑀩𑀺𑀦𑁆𑀤𑀢𑀺. 𑀦𑀦𑁆𑀤𑀺𑀓𑁆𑀔𑀬𑀸 𑀭𑀸𑀕𑀓𑁆𑀔𑀬𑁄; 𑀭𑀸𑀕𑀓𑁆𑀔𑀬𑀸 𑀦𑀦𑁆𑀤𑀺𑀓𑁆𑀔𑀬𑁄. 𑀦𑀦𑁆𑀤𑀺𑀭𑀸𑀕𑀓𑁆𑀔𑀬𑀸 𑀘𑀺𑀢𑁆𑀢𑀁 𑀲𑀼𑀯𑀺𑀫𑀼𑀢𑁆𑀢𑀦𑁆𑀢𑀺 𑀯𑀼𑀘𑁆𑀘𑀢𑀻’’𑀢𑀺. 𑀘𑀢𑀼𑀢𑁆𑀣𑀁.