𑁯. 𑀅𑀚𑁆𑀛𑀢𑁆𑀢𑀸𑀦𑀢𑁆𑀢𑀳𑁂𑀢𑀼𑀲𑀼𑀢𑁆𑀢𑀁

𑁧𑁪𑁨. ‘‘𑀘𑀓𑁆𑀔𑀼𑀁, 𑀪𑀺𑀓𑁆𑀔𑀯𑁂, 𑀅𑀦𑀢𑁆𑀢𑀸. 𑀬𑁄𑀧𑀺 𑀳𑁂𑀢𑀼, 𑀬𑁄𑀧𑀺 𑀧𑀘𑁆𑀘𑀬𑁄 𑀘𑀓𑁆𑀔𑀼𑀲𑁆𑀲 𑀉𑀧𑁆𑀧𑀸𑀤𑀸𑀬, 𑀲𑁄𑀧𑀺 𑀅𑀦𑀢𑁆𑀢𑀸. 𑀅𑀦𑀢𑁆𑀢𑀲𑀫𑁆𑀪𑀽𑀢𑀁, 𑀪𑀺𑀓𑁆𑀔𑀯𑁂, 𑀘𑀓𑁆𑀔𑀼 𑀓𑀼𑀢𑁄 𑀅𑀢𑁆𑀢𑀸 𑀪𑀯𑀺𑀲𑁆𑀲𑀢𑀺…𑀧𑁂… 𑀚𑀺𑀯𑁆𑀳𑀸 𑀅𑀦𑀢𑁆𑀢𑀸. 𑀬𑁄𑀧𑀺 𑀳𑁂𑀢𑀼 𑀬𑁄𑀧𑀺 𑀧𑀘𑁆𑀘𑀬𑁄 𑀚𑀺𑀯𑁆𑀳𑀸𑀬 𑀉𑀧𑁆𑀧𑀸𑀤𑀸𑀬, 𑀲𑁄𑀧𑀺 𑀅𑀦𑀢𑁆𑀢𑀸. 𑀅𑀦𑀢𑁆𑀢𑀲𑀫𑁆𑀪𑀽𑀢𑀸, 𑀪𑀺𑀓𑁆𑀔𑀯𑁂, 𑀚𑀺𑀯𑁆𑀳𑀸 𑀓𑀼𑀢𑁄 𑀅𑀢𑁆𑀢𑀸 𑀪𑀯𑀺𑀲𑁆𑀲𑀢𑀺…𑀧𑁂… 𑀫𑀦𑁄 𑀅𑀦𑀢𑁆𑀢𑀸. 𑀬𑁄𑀧𑀺 𑀳𑁂𑀢𑀼 𑀬𑁄𑀧𑀺 𑀧𑀘𑁆𑀘𑀬𑁄 𑀫𑀦𑀲𑁆𑀲 𑀉𑀧𑁆𑀧𑀸𑀤𑀸𑀬, 𑀲𑁄𑀧𑀺 𑀅𑀦𑀢𑁆𑀢𑀸. 𑀅𑀦𑀢𑁆𑀢𑀲𑀫𑁆𑀪𑀽𑀢𑁄, 𑀪𑀺𑀓𑁆𑀔𑀯𑁂, 𑀫𑀦𑁄 𑀓𑀼𑀢𑁄 𑀅𑀢𑁆𑀢𑀸 𑀪𑀯𑀺𑀲𑁆𑀲𑀢𑀺! 𑀏𑀯𑀁 𑀧𑀲𑁆𑀲𑀁…𑀧𑁂… ‘𑀔𑀻𑀡𑀸 𑀚𑀸𑀢𑀺, 𑀯𑀼𑀲𑀺𑀢𑀁 𑀩𑁆𑀭𑀳𑁆𑀫𑀘𑀭𑀺𑀬𑀁, 𑀓𑀢𑀁 𑀓𑀭𑀡𑀻𑀬𑀁, 𑀦𑀸𑀧𑀭𑀁 𑀇𑀢𑁆𑀣𑀢𑁆𑀢𑀸𑀬𑀸’𑀢𑀺 𑀧𑀚𑀸𑀦𑀸𑀢𑀻’’𑀢𑀺. 𑀦𑀯𑀫𑀁.