𑁯. 𑀲𑀁𑀬𑁄𑀚𑀦𑀺𑀬𑀥𑀫𑁆𑀫𑀲𑀼𑀢𑁆𑀢𑀁

𑁧𑁨𑁨. ‘‘𑀲𑀁𑀬𑁄𑀚𑀦𑀺𑀬𑁂 𑀘, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀤𑁂𑀲𑁂𑀲𑁆𑀲𑀸𑀫𑀺 𑀲𑀁𑀬𑁄𑀚𑀦𑀜𑁆𑀘. 𑀢𑀁 𑀲𑀼𑀡𑀸𑀣. 𑀓𑀢𑀫𑁂 𑀘, 𑀪𑀺𑀓𑁆𑀔𑀯𑁂, 𑀲𑀁𑀬𑁄𑀚𑀦𑀺𑀬𑀸 𑀥𑀫𑁆𑀫𑀸, 𑀓𑀢𑀫𑀜𑁆𑀘 𑀲𑀁𑀬𑁄𑀚𑀦𑀁? 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀸 𑀭𑀽𑀧𑀸 𑀇𑀝𑁆𑀞𑀸 𑀓𑀦𑁆𑀢𑀸 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸. 𑀇𑀫𑁂 𑀯𑀼𑀘𑁆𑀘𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀲𑀁𑀬𑁄𑀚𑀦𑀺𑀬𑀸 𑀥𑀫𑁆𑀫𑀸. 𑀬𑁄 𑀢𑀢𑁆𑀣 𑀙𑀦𑁆𑀤𑀭𑀸𑀕𑁄, 𑀢𑀁 𑀢𑀢𑁆𑀣 𑀲𑀁𑀬𑁄𑀚𑀦𑀁…𑀧𑁂… 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀚𑀺𑀯𑁆𑀳𑀸𑀯𑀺𑀜𑁆𑀜𑁂𑀬𑁆𑀬𑀸 𑀭𑀲𑀸…𑀧𑁂… 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀫𑀦𑁄𑀯𑀺𑀜𑁆𑀜𑁂𑀬𑁆𑀬𑀸 𑀥𑀫𑁆𑀫𑀸 𑀇𑀝𑁆𑀞𑀸 𑀓𑀦𑁆𑀢𑀸 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸. 𑀇𑀫𑁂 𑀯𑀼𑀘𑁆𑀘𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀲𑀁𑀬𑁄𑀚𑀦𑀺𑀬𑀸 𑀥𑀫𑁆𑀫𑀸. 𑀬𑁄 𑀢𑀢𑁆𑀣 𑀙𑀦𑁆𑀤𑀭𑀸𑀕𑁄 𑀢𑀁 𑀢𑀢𑁆𑀣 𑀲𑀁𑀬𑁄𑀚𑀦’’𑀦𑁆𑀢𑀺. 𑀦𑀯𑀫𑀁.