𑁧𑁦. 𑀩𑀸𑀳𑀺𑀭𑀸𑀦𑀺𑀘𑁆𑀘𑀸𑀢𑀻𑀢𑀸𑀦𑀸𑀕𑀢𑀲𑀼𑀢𑁆𑀢𑀁

𑁧𑁦. ‘‘𑀭𑀽𑀧𑀸, 𑀪𑀺𑀓𑁆𑀔𑀯𑁂, 𑀅𑀦𑀺𑀘𑁆𑀘𑀸 𑀅𑀢𑀻𑀢𑀸𑀦𑀸𑀕𑀢𑀸; 𑀓𑁄 𑀧𑀦 𑀯𑀸𑀤𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀁! 𑀏𑀯𑀁 𑀧𑀲𑁆𑀲𑀁, 𑀪𑀺𑀓𑁆𑀔𑀯𑁂, 𑀲𑀼𑀢𑀯𑀸 𑀅𑀭𑀺𑀬𑀲𑀸𑀯𑀓𑁄 𑀅𑀢𑀻𑀢𑁂𑀲𑀼 𑀭𑀽𑀧𑁂𑀲𑀼 𑀅𑀦𑀧𑁂𑀓𑁆𑀔𑁄 𑀳𑁄𑀢𑀺; 𑀅𑀦𑀸𑀕𑀢𑁂 𑀭𑀽𑀧𑁂 𑀦𑀸𑀪𑀺𑀦𑀦𑁆𑀤𑀢𑀺; 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀁 𑀭𑀽𑀧𑀸𑀦𑀁 𑀦𑀺𑀩𑁆𑀩𑀺𑀤𑀸𑀬 𑀯𑀺𑀭𑀸𑀕𑀸𑀬 𑀦𑀺𑀭𑁄𑀥𑀸𑀬 𑀧𑀝𑀺𑀧𑀦𑁆𑀦𑁄 𑀳𑁄𑀢𑀺. 𑀲𑀤𑁆𑀤𑀸… 𑀕𑀦𑁆𑀥𑀸… 𑀭𑀲𑀸… 𑀨𑁄𑀝𑁆𑀞𑀩𑁆𑀩𑀸… 𑀥𑀫𑁆𑀫𑀸 𑀅𑀦𑀺𑀘𑁆𑀘𑀸 𑀅𑀢𑀻𑀢𑀸𑀦𑀸𑀕𑀢𑀸; 𑀓𑁄 𑀧𑀦 𑀯𑀸𑀤𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀁! 𑀏𑀯𑀁 𑀧𑀲𑁆𑀲𑀁, 𑀪𑀺𑀓𑁆𑀔𑀯𑁂, 𑀲𑀼𑀢𑀯𑀸 𑀅𑀭𑀺𑀬𑀲𑀸𑀯𑀓𑁄 𑀅𑀢𑀻𑀢𑁂𑀲𑀼 𑀥𑀫𑁆𑀫𑁂𑀲𑀼 𑀅𑀦𑀧𑁂𑀓𑁆𑀔𑁄 𑀳𑁄𑀢𑀺; 𑀅𑀦𑀸𑀕𑀢𑁂 𑀥𑀫𑁆𑀫𑁂 𑀦𑀸𑀪𑀺𑀦𑀦𑁆𑀤𑀢𑀺; 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀁 𑀥𑀫𑁆𑀫𑀸𑀦𑀁 𑀦𑀺𑀩𑁆𑀩𑀺𑀤𑀸𑀬 𑀯𑀺𑀭𑀸𑀕𑀸𑀬 𑀦𑀺𑀭𑁄𑀥𑀸𑀬 𑀧𑀝𑀺𑀧𑀦𑁆𑀦𑁄 𑀳𑁄𑀢𑀻’’𑀢𑀺. 𑀤𑀲𑀫𑀁.