𑁮. 𑀲𑀳𑁂𑀢𑀼𑀤𑀼𑀓𑁆𑀔𑀲𑀼𑀢𑁆𑀢𑀁

𑁧𑁯. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. ‘‘𑀭𑀽𑀧𑀁, 𑀪𑀺𑀓𑁆𑀔𑀯𑁂, 𑀤𑀼𑀓𑁆𑀔𑀁. 𑀬𑁄𑀧𑀺 𑀳𑁂𑀢𑀼 𑀬𑁄𑀧𑀺 𑀧𑀘𑁆𑀘𑀬𑁄 𑀭𑀽𑀧𑀲𑁆𑀲 𑀉𑀧𑁆𑀧𑀸𑀤𑀸𑀬, 𑀲𑁄𑀧𑀺 𑀤𑀼𑀓𑁆𑀔𑁄. 𑀤𑀼𑀓𑁆𑀔𑀲𑀫𑁆𑀪𑀽𑀢𑀁, 𑀪𑀺𑀓𑁆𑀔𑀯𑁂, 𑀭𑀽𑀧𑀁 𑀓𑀼𑀢𑁄 𑀲𑀼𑀔𑀁 𑀪𑀯𑀺𑀲𑁆𑀲𑀢𑀺! 𑀯𑁂𑀤𑀦𑀸 𑀤𑀼𑀓𑁆𑀔𑀸… 𑀲𑀜𑁆𑀜𑀸 𑀤𑀼𑀓𑁆𑀔𑀸… 𑀲𑀗𑁆𑀔𑀸𑀭𑀸 𑀤𑀼𑀓𑁆𑀔𑀸… 𑀯𑀺𑀜𑁆𑀜𑀸𑀡𑀁 𑀤𑀼𑀓𑁆𑀔𑀁. 𑀬𑁄𑀧𑀺 𑀳𑁂𑀢𑀼 𑀬𑁄𑀧𑀺 𑀧𑀘𑁆𑀘𑀬𑁄 𑀯𑀺𑀜𑁆𑀜𑀸𑀡𑀲𑁆𑀲 𑀉𑀧𑁆𑀧𑀸𑀤𑀸𑀬, 𑀲𑁄𑀧𑀺 𑀤𑀼𑀓𑁆𑀔𑁄. 𑀤𑀼𑀓𑁆𑀔𑀲𑀫𑁆𑀪𑀽𑀢𑀁, 𑀪𑀺𑀓𑁆𑀔𑀯𑁂, 𑀯𑀺𑀜𑁆𑀜𑀸𑀡𑀁 𑀓𑀼𑀢𑁄 𑀲𑀼𑀔𑀁 𑀪𑀯𑀺𑀲𑁆𑀲𑀢𑀺! 𑀏𑀯𑀁 𑀧𑀲𑁆𑀲𑀁…𑀧𑁂… 𑀦𑀸𑀧𑀭𑀁 𑀇𑀢𑁆𑀣𑀢𑁆𑀢𑀸𑀬𑀸𑀢𑀺 𑀧𑀚𑀸𑀦𑀸𑀢𑀻’’𑀢𑀺. 𑀅𑀝𑁆𑀞𑀫𑀁.