𑁫. 𑀤𑀼𑀢𑀺𑀬𑀅𑀲𑁆𑀲𑀸𑀤𑀲𑀼𑀢𑁆𑀢𑀁

𑁧𑁩𑁦. 𑀩𑀸𑀭𑀸𑀡𑀲𑀺𑀬𑀁 𑀯𑀺𑀳𑀭𑀦𑁆𑀢𑀺 𑀇𑀲𑀺𑀧𑀢𑀦𑁂 𑀫𑀺𑀕𑀤𑀸𑀬𑁂…𑀧𑁂… ‘‘‘𑀯𑀺𑀚𑁆𑀚𑀸, 𑀯𑀺𑀚𑁆𑀚𑀸’𑀢𑀺, 𑀆𑀯𑀼𑀲𑁄 𑀲𑀸𑀭𑀺𑀧𑀼𑀢𑁆𑀢, 𑀯𑀼𑀘𑁆𑀘𑀢𑀺. 𑀓𑀢𑀫𑀸 𑀦𑀼 𑀔𑁄, 𑀆𑀯𑀼𑀲𑁄, 𑀯𑀺𑀚𑁆𑀚𑀸, 𑀓𑀺𑀢𑁆𑀢𑀸𑀯𑀢𑀸 𑀘 𑀯𑀺𑀚𑁆𑀚𑀸𑀕𑀢𑁄 𑀳𑁄𑀢𑀻’’𑀢𑀺?

‘‘𑀇𑀥𑀸𑀯𑀼𑀲𑁄, 𑀲𑀼𑀢𑀯𑀸 𑀅𑀭𑀺𑀬𑀲𑀸𑀯𑀓𑁄 𑀭𑀽𑀧𑀲𑁆𑀲 𑀅𑀲𑁆𑀲𑀸𑀤𑀜𑁆𑀘 𑀆𑀤𑀻𑀦𑀯𑀜𑁆𑀘 𑀦𑀺𑀲𑁆𑀲𑀭𑀡𑀜𑁆𑀘 𑀬𑀣𑀸𑀪𑀽𑀢𑀁 𑀧𑀚𑀸𑀦𑀸𑀢𑀺. 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬… 𑀲𑀗𑁆𑀔𑀸𑀭𑀸𑀦𑀁… 𑀯𑀺𑀜𑁆𑀜𑀸𑀡𑀲𑁆𑀲 𑀅𑀲𑁆𑀲𑀸𑀤𑀜𑁆𑀘 𑀆𑀤𑀻𑀦𑀯𑀜𑁆𑀘 𑀦𑀺𑀲𑁆𑀲𑀭𑀡𑀜𑁆𑀘 𑀬𑀣𑀸𑀪𑀽𑀢𑀁 𑀧𑀚𑀸𑀦𑀸𑀢𑀺. 𑀅𑀬𑀁 𑀯𑀼𑀘𑁆𑀘𑀢𑀸𑀯𑀼𑀲𑁄, 𑀯𑀺𑀚𑁆𑀚𑀸; 𑀏𑀢𑁆𑀢𑀸𑀯𑀢𑀸 𑀘 𑀯𑀺𑀚𑁆𑀚𑀸𑀕𑀢𑁄 𑀳𑁄𑀢𑀻’’𑀢𑀺. 𑀧𑀜𑁆𑀘𑀫𑀁.