𑁪. 𑀯𑁂𑀤𑀦𑀸𑀦𑀸𑀦𑀢𑁆𑀢𑀲𑀼𑀢𑁆𑀢𑀁

𑁮𑁮. 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺…𑀧𑁂… ‘‘𑀥𑀸𑀢𑀼𑀦𑀸𑀦𑀢𑁆𑀢𑀁, 𑀪𑀺𑀓𑁆𑀔𑀯𑁂, 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀨𑀲𑁆𑀲𑀦𑀸𑀦𑀢𑁆𑀢𑀁, 𑀨𑀲𑁆𑀲𑀦𑀸𑀦𑀢𑁆𑀢𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀦𑀸𑀦𑀸𑀦𑀢𑁆𑀢𑀁. 𑀓𑀢𑀫𑀜𑁆𑀘, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁? 𑀘𑀓𑁆𑀔𑀼𑀥𑀸𑀢𑀼 …𑀧𑁂… 𑀫𑀦𑁄𑀥𑀸𑀢𑀼 𑁋 𑀇𑀤𑀁 𑀯𑀼𑀘𑁆𑀘𑀢𑀺, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁’’.

‘‘𑀓𑀣𑀜𑁆𑀘, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀨𑀲𑁆𑀲𑀦𑀸𑀦𑀢𑁆𑀢𑀁, 𑀨𑀲𑁆𑀲𑀦𑀸𑀦𑀢𑁆𑀢𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀦𑀸𑀦𑀸𑀦𑀢𑁆𑀢𑀁? 𑀘𑀓𑁆𑀔𑀼𑀥𑀸𑀢𑀼𑀁, 𑀪𑀺𑀓𑁆𑀔𑀯𑁂, 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑁄, 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀚𑀸 𑀯𑁂𑀤𑀦𑀸…𑀧𑁂… 𑀫𑀦𑁄𑀥𑀸𑀢𑀼𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀫𑀦𑁄𑀲𑀫𑁆𑀨𑀲𑁆𑀲𑁄, 𑀫𑀦𑁄𑀲𑀫𑁆𑀨𑀲𑁆𑀲𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀫𑀦𑁄𑀲𑀫𑁆𑀨𑀲𑁆𑀲𑀚𑀸 𑀯𑁂𑀤𑀦𑀸. 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀨𑀲𑁆𑀲𑀦𑀸𑀦𑀢𑁆𑀢𑀁, 𑀨𑀲𑁆𑀲𑀦𑀸𑀦𑀢𑁆𑀢𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀦𑀸𑀦𑀸𑀦𑀢𑁆𑀢’’𑀦𑁆𑀢𑀺. 𑀘𑀢𑀼𑀢𑁆𑀣𑀁.