𑁨. 𑀨𑀲𑁆𑀲𑀦𑀸𑀦𑀢𑁆𑀢𑀲𑀼𑀢𑁆𑀢𑀁

𑁮𑁬. 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺…𑀧𑁂… ‘‘𑀥𑀸𑀢𑀼𑀦𑀸𑀦𑀢𑁆𑀢𑀁, 𑀪𑀺𑀓𑁆𑀔𑀯𑁂, 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀨𑀲𑁆𑀲𑀦𑀸𑀦𑀢𑁆𑀢𑀁. 𑀓𑀢𑀫𑀜𑁆𑀘, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁? 𑀘𑀓𑁆𑀔𑀼𑀥𑀸𑀢𑀼 𑀲𑁄𑀢𑀥𑀸𑀢𑀼 𑀖𑀸𑀦𑀥𑀸𑀢𑀼 𑀚𑀺𑀯𑁆𑀳𑀸𑀥𑀸𑀢𑀼 𑀓𑀸𑀬𑀥𑀸𑀢𑀼 𑀫𑀦𑁄𑀥𑀸𑀢𑀼 𑁋 𑀇𑀤𑀁 𑀯𑀼𑀘𑁆𑀘𑀢𑀺, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁’’.

‘‘𑀓𑀣𑀜𑁆𑀘, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀨𑀲𑁆𑀲𑀦𑀸𑀦𑀢𑁆𑀢𑀁? 𑀘𑀓𑁆𑀔𑀼𑀥𑀸𑀢𑀼𑀁, 𑀪𑀺𑀓𑁆𑀔𑀯𑁂, 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑁄. 𑀲𑁄𑀢𑀥𑀸𑀢𑀼𑀁 𑀧𑀝𑀺𑀘𑁆𑀘… 𑀖𑀸𑀦𑀥𑀸𑀢𑀼𑀁 𑀧𑀝𑀺𑀘𑁆𑀘 … 𑀚𑀺𑀯𑁆𑀳𑀸𑀥𑀸𑀢𑀼𑀁 𑀧𑀝𑀺𑀘𑁆𑀘… 𑀓𑀸𑀬𑀥𑀸𑀢𑀼𑀁 𑀧𑀝𑀺𑀘𑁆𑀘… 𑀫𑀦𑁄𑀥𑀸𑀢𑀼𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀫𑀦𑁄𑀲𑀫𑁆𑀨𑀲𑁆𑀲𑁄. 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀦𑀸𑀦𑀢𑁆𑀢𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀺 𑀨𑀲𑁆𑀲𑀦𑀸𑀦𑀢𑁆𑀢’’𑀦𑁆𑀢𑀺. 𑀤𑀼𑀢𑀺𑀬𑀁.