𑁬. 𑀤𑀼𑀢𑀺𑀬𑀧𑀣𑀯𑀻𑀲𑀼𑀢𑁆𑀢𑀁

𑁭𑁯. 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺…𑀧𑁂… ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀫𑀳𑀸𑀧𑀣𑀯𑀻 𑀧𑀭𑀺𑀓𑁆𑀔𑀬𑀁 𑀧𑀭𑀺𑀬𑀸𑀤𑀸𑀦𑀁 𑀕𑀘𑁆𑀙𑁂𑀬𑁆𑀬, 𑀞𑀧𑁂𑀢𑁆𑀯𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸. 𑀢𑀁 𑀓𑀺𑀁 𑀫𑀜𑁆𑀜𑀣, 𑀪𑀺𑀓𑁆𑀔𑀯𑁂, 𑀓𑀢𑀫𑀁 𑀦𑀼 𑀔𑁄 𑀩𑀳𑀼𑀢𑀭𑀁, 𑀬𑀁 𑀯𑀸 𑀫𑀳𑀸𑀧𑀣𑀯𑀺𑀬𑀸 𑀧𑀭𑀺𑀓𑁆𑀔𑀻𑀡𑀁 𑀧𑀭𑀺𑀬𑀸𑀤𑀺𑀡𑁆𑀡𑀁 𑀬𑀸 𑀯𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀅𑀯𑀲𑀺𑀝𑁆𑀞𑀸’’𑀢𑀺?

‘‘𑀏𑀢𑀤𑁂𑀯 𑀪𑀦𑁆𑀢𑁂, 𑀩𑀳𑀼𑀢𑀭𑀁, 𑀫𑀳𑀸𑀧𑀣𑀯𑀺𑀬𑀸, 𑀬𑀤𑀺𑀤𑀁 𑀧𑀭𑀺𑀓𑁆𑀔𑀻𑀡𑀁 𑀧𑀭𑀺𑀬𑀸𑀤𑀺𑀡𑁆𑀡𑀁; 𑀅𑀧𑁆𑀧𑀫𑀢𑁆𑀢𑀺𑀓𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀅𑀯𑀲𑀺𑀝𑁆𑀞𑀸. 𑀦𑁂𑀯 𑀲𑀢𑀺𑀫𑀁 𑀓𑀮𑀁 𑀉𑀧𑁂𑀦𑁆𑀢𑀺 𑀦 𑀲𑀳𑀲𑁆𑀲𑀺𑀫𑀁 𑀓𑀮𑀁 𑀉𑀧𑁂𑀦𑁆𑀢𑀺 𑀦 𑀲𑀢𑀲𑀳𑀲𑁆𑀲𑀺𑀫𑀁 𑀓𑀮𑀁 𑀉𑀧𑁂𑀦𑁆𑀢𑀺 𑀫𑀳𑀸𑀧𑀣𑀯𑀺𑀬𑀸 𑀧𑀭𑀺𑀓𑁆𑀔𑀻𑀡𑀁 𑀧𑀭𑀺𑀬𑀸𑀤𑀺𑀡𑁆𑀡𑀁 𑀉𑀧𑀦𑀺𑀥𑀸𑀬 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀅𑀯𑀲𑀺𑀝𑁆𑀞𑀸’’𑀢𑀺. ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂…𑀧𑁂… 𑀥𑀫𑁆𑀫𑀘𑀓𑁆𑀔𑀼𑀧𑀝𑀺𑀮𑀸𑀪𑁄’’𑀢𑀺. 𑀙𑀝𑁆𑀞𑀁.