𑁧. 𑀲𑀢𑁆𑀣𑀼𑀲𑀼𑀢𑁆𑀢𑀁

𑁭𑁩. 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺…𑀧𑁂… ‘‘𑀚𑀭𑀸𑀫𑀭𑀡𑀁, 𑀪𑀺𑀓𑁆𑀔𑀯𑁂, 𑀅𑀚𑀸𑀦𑀢𑀸 𑀅𑀧𑀲𑁆𑀲𑀢𑀸 𑀬𑀣𑀸𑀪𑀽𑀢𑀁 𑀚𑀭𑀸𑀫𑀭𑀡𑁂 𑀬𑀣𑀸𑀪𑀽𑀢𑀁 𑀜𑀸𑀡𑀸𑀬 𑀲𑀢𑁆𑀣𑀸 𑀧𑀭𑀺𑀬𑁂𑀲𑀺𑀢𑀩𑁆𑀩𑁄; 𑀚𑀭𑀸𑀫𑀭𑀡𑀲𑀫𑀼𑀤𑀬𑀁 𑀅𑀚𑀸𑀦𑀢𑀸 𑀅𑀧𑀲𑁆𑀲𑀢𑀸 𑀬𑀣𑀸𑀪𑀽𑀢𑀁 𑀚𑀭𑀸𑀫𑀭𑀡𑀲𑀫𑀼𑀤𑀬𑁂 𑀬𑀣𑀸𑀪𑀽𑀢𑀁 𑀜𑀸𑀡𑀸𑀬 𑀲𑀢𑁆𑀣𑀸 𑀧𑀭𑀺𑀬𑁂𑀲𑀺𑀢𑀩𑁆𑀩𑁄; 𑀚𑀭𑀸𑀫𑀭𑀡𑀦𑀺𑀭𑁄𑀥𑀁 𑀅𑀚𑀸𑀦𑀢𑀸 𑀅𑀧𑀲𑁆𑀲𑀢𑀸 𑀬𑀣𑀸𑀪𑀽𑀢𑀁 𑀚𑀭𑀸𑀫𑀭𑀡𑀦𑀺𑀭𑁄𑀥𑁂 𑀬𑀣𑀸𑀪𑀽𑀢𑀁 𑀜𑀸𑀡𑀸𑀬 𑀲𑀢𑁆𑀣𑀸 𑀧𑀭𑀺𑀬𑁂𑀲𑀺𑀢𑀩𑁆𑀩𑁄; 𑀚𑀭𑀸𑀫𑀭𑀡𑀦𑀺𑀭𑁄𑀥𑀕𑀸𑀫𑀺𑀦𑀺𑀁 𑀧𑀝𑀺𑀧𑀤𑀁 𑀅𑀚𑀸𑀦𑀢𑀸 𑀅𑀧𑀲𑁆𑀲𑀢𑀸 𑀬𑀣𑀸𑀪𑀽𑀢𑀁 𑀚𑀭𑀸𑀫𑀭𑀡𑀦𑀺𑀭𑁄𑀥𑀕𑀸𑀫𑀺𑀦𑀺𑀬𑀸 𑀧𑀝𑀺𑀧𑀤𑀸𑀬 𑀬𑀣𑀸𑀪𑀽𑀢𑀁 𑀜𑀸𑀡𑀸𑀬 𑀲𑀢𑁆𑀣𑀸 𑀧𑀭𑀺𑀬𑁂𑀲𑀺𑀢𑀩𑁆𑀩𑁄’’𑀢𑀺. (𑀲𑀼𑀢𑁆𑀢𑀦𑁆𑀢𑁄 𑀏𑀓𑁄). 𑀧𑀞𑀫𑀁.

(𑀲𑀩𑁆𑀩𑁂𑀲𑀁 𑀧𑁂𑀬𑁆𑀬𑀸𑀮𑁄 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑁄)