𑁪. 𑀅𑀮𑁄𑀫𑀯𑀺𑀫𑀸𑀦𑀯𑀢𑁆𑀣𑀼

𑁭𑁧𑁧. ‘‘𑀅𑀪𑀺𑀓𑁆𑀓𑀦𑁆𑀢𑁂𑀦 𑀯𑀡𑁆𑀡𑁂𑀦, 𑀬𑀸 𑀢𑁆𑀯𑀁 𑀢𑀺𑀝𑁆𑀞𑀲𑀺 𑀤𑁂𑀯𑀢𑁂;

𑀑𑀪𑀸𑀲𑁂𑀦𑁆𑀢𑀻 𑀤𑀺𑀲𑀸 𑀲𑀩𑁆𑀩𑀸, 𑀑𑀲𑀥𑀻 𑀯𑀺𑀬 𑀢𑀸𑀭𑀓𑀸.

𑁭𑁧𑁨. ‘‘𑀓𑁂𑀦 𑀢𑁂𑀢𑀸𑀤𑀺𑀲𑁄 𑀯𑀡𑁆𑀡𑁄…𑀧𑁂…

𑀯𑀡𑁆𑀡𑁄 𑀘 𑀢𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺.

𑁭𑁧𑁪. 𑀲𑀸 𑀤𑁂𑀯𑀢𑀸 𑀅𑀢𑁆𑀢𑀫𑀦𑀸…𑀧𑁂… 𑀬𑀲𑁆𑀲 𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁.

𑁭𑁧𑁫. ‘‘𑀅𑀳𑀜𑁆𑀘 𑀩𑀸𑀭𑀸𑀡𑀲𑀺𑀬𑀁, 𑀩𑀼𑀤𑁆𑀥𑀲𑁆𑀲𑀸𑀤𑀺𑀘𑁆𑀘𑀩𑀦𑁆𑀥𑀼𑀦𑁄;

𑀅𑀤𑀸𑀲𑀺𑀁 𑀲𑀼𑀓𑁆𑀔𑀓𑀼𑀫𑁆𑀫𑀸𑀲𑀁, 𑀧𑀲𑀦𑁆𑀦𑀸 𑀲𑁂𑀳𑀺 𑀧𑀸𑀡𑀺𑀪𑀺.

𑁭𑁧𑁬. ‘‘𑀲𑀼𑀓𑁆𑀔𑀸𑀬 𑀅𑀮𑁄𑀡𑀺𑀓𑀸𑀬 𑀘, 𑀧𑀲𑁆𑀲 𑀨𑀮𑀁 𑀓𑀼𑀫𑁆𑀫𑀸𑀲𑀧𑀺𑀡𑁆𑀟𑀺𑀬𑀸;

𑀅𑀮𑁄𑀫𑀁 𑀲𑀼𑀔𑀺𑀢𑀁 𑀤𑀺𑀲𑁆𑀯𑀸, 𑀓𑁄 𑀧𑀼𑀜𑁆𑀜𑀁 𑀦 𑀓𑀭𑀺𑀲𑁆𑀲𑀢𑀺.

𑁭𑁧𑁭. ‘‘𑀢𑁂𑀦 𑀫𑁂𑀢𑀸𑀤𑀺𑀲𑁄 𑀯𑀡𑁆𑀡𑁄…𑀧𑁂… 𑀯𑀡𑁆𑀡𑁄 𑀘 𑀫𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺.

𑀅𑀮𑁄𑀫𑀯𑀺𑀫𑀸𑀦𑀁 𑀘𑀢𑀼𑀢𑁆𑀣𑀁.