𑁩. 𑀔𑁂𑀫𑀸𑀣𑁂𑀭𑀻𑀕𑀸𑀣𑀸

𑁧𑁩𑁯. ‘‘𑀤𑀳𑀭𑀸 𑀢𑁆𑀯𑀁 𑀭𑀽𑀧𑀯𑀢𑀻, 𑀅𑀳𑀫𑁆𑀧𑀺 𑀤𑀳𑀭𑁄 𑀬𑀼𑀯𑀸;

𑀧𑀜𑁆𑀘𑀗𑁆𑀕𑀺𑀓𑁂𑀦 𑀢𑀼𑀭𑀺𑀬𑁂𑀦 [𑀢𑀽𑀭𑁂𑀦 (𑀓.)], 𑀏𑀳𑀺 𑀔𑁂𑀫𑁂 𑀭𑀫𑀸𑀫𑀲𑁂’’.

𑁧𑁪𑁦. ‘‘𑀇𑀫𑀺𑀦𑀸 𑀧𑀽𑀢𑀺𑀓𑀸𑀬𑁂𑀦, 𑀆𑀢𑀼𑀭𑁂𑀦 𑀧𑀪𑀗𑁆𑀕𑀼𑀦𑀸;

𑀅𑀝𑁆𑀝𑀺𑀬𑀸𑀫𑀺 𑀳𑀭𑀸𑀬𑀸𑀫𑀺, 𑀓𑀸𑀫𑀢𑀡𑁆𑀳𑀸 𑀲𑀫𑀽𑀳𑀢𑀸.

𑁧𑁪𑁧. ‘‘𑀲𑀢𑁆𑀢𑀺𑀲𑀽𑀮𑀽𑀧𑀫𑀸 𑀓𑀸𑀫𑀸, 𑀔𑀦𑁆𑀥𑀸𑀲𑀁 𑀅𑀥𑀺𑀓𑀼𑀝𑁆𑀝𑀦𑀸;

𑀬𑀁 ‘𑀢𑁆𑀯𑀁 𑀓𑀸𑀫𑀭𑀢𑀺𑀁’ 𑀩𑁆𑀭𑀽𑀲𑀺, ‘𑀅𑀭𑀢𑀻’ 𑀤𑀸𑀦𑀺 𑀲𑀸 𑀫𑀫.

𑁧𑁪𑁨. ‘‘𑀲𑀩𑁆𑀩𑀢𑁆𑀣 𑀯𑀺𑀳𑀢𑀸 𑀦𑀦𑁆𑀤𑀻, 𑀢𑀫𑁄𑀔𑀦𑁆𑀥𑁄 𑀧𑀤𑀸𑀮𑀺𑀢𑁄;

𑀏𑀯𑀁 𑀚𑀸𑀦𑀸𑀳𑀺 𑀧𑀸𑀧𑀺𑀫, 𑀦𑀺𑀳𑀢𑁄 𑀢𑁆𑀯𑀫𑀲𑀺 𑀅𑀦𑁆𑀢𑀓.

𑁧𑁪𑁩. ‘‘𑀦𑀓𑁆𑀔𑀢𑁆𑀢𑀸𑀦𑀺 𑀦𑀫𑀲𑁆𑀲𑀦𑁆𑀢𑀸, 𑀅𑀕𑁆𑀕𑀺𑀁 𑀧𑀭𑀺𑀘𑀭𑀁 𑀯𑀦𑁂;

𑀬𑀣𑀸𑀪𑀼𑀘𑁆𑀘𑀫𑀚𑀸𑀦𑀦𑁆𑀢𑀸, 𑀩𑀸𑀮𑀸 𑀲𑀼𑀤𑁆𑀥𑀺𑀫𑀫𑀜𑁆𑀜𑀣.

𑁧𑁪𑁪. ‘‘𑀅𑀳𑀜𑁆𑀘 𑀔𑁄 𑀦𑀫𑀲𑁆𑀲𑀦𑁆𑀢𑀻, 𑀲𑀫𑁆𑀩𑀼𑀤𑁆𑀥𑀁 𑀧𑀼𑀭𑀺𑀲𑀼𑀢𑁆𑀢𑀫𑀁;

𑀧𑀫𑀼𑀢𑁆𑀢𑀸 [𑀧𑀭𑀺𑀫𑀼𑀢𑁆𑀢𑀸 (𑀲𑀻. 𑀲𑁆𑀬𑀸.)] 𑀲𑀩𑁆𑀩𑀤𑀼𑀓𑁆𑀔𑁂𑀳𑀺, 𑀲𑀢𑁆𑀣𑀼𑀲𑀸𑀲𑀦𑀓𑀸𑀭𑀺𑀓𑀸’’𑀢𑀺.

… 𑀔𑁂𑀫𑀸 𑀣𑁂𑀭𑀻….