𑁭. 𑀲𑀓𑀼𑀮𑀸𑀣𑁂𑀭𑀻𑀕𑀸𑀣𑀸

𑁯𑁭. ‘‘𑀅𑀕𑀸𑀭𑀲𑁆𑀫𑀺𑀁 𑀯𑀲𑀦𑁆𑀢𑀻𑀳𑀁, 𑀥𑀫𑁆𑀫𑀁 𑀲𑀼𑀢𑁆𑀯𑀸𑀦 𑀪𑀺𑀓𑁆𑀔𑀼𑀦𑁄;

𑀅𑀤𑁆𑀤𑀲𑀁 𑀯𑀺𑀭𑀚𑀁 𑀥𑀫𑁆𑀫𑀁, 𑀦𑀺𑀩𑁆𑀩𑀸𑀦𑀁 𑀧𑀤𑀫𑀘𑁆𑀘𑀼𑀢𑀁.

𑁯𑁮. ‘‘𑀲𑀸𑀳𑀁 𑀧𑀼𑀢𑁆𑀢𑀁 𑀥𑀻𑀢𑀭𑀜𑁆𑀘, 𑀥𑀦𑀥𑀜𑁆𑀜𑀜𑁆𑀘 𑀙𑀟𑁆𑀟𑀺𑀬;

𑀓𑁂𑀲𑁂 𑀙𑁂𑀤𑀸𑀧𑀬𑀺𑀢𑁆𑀯𑀸𑀦, 𑀧𑀩𑁆𑀩𑀚𑀺𑀁 𑀅𑀦𑀕𑀸𑀭𑀺𑀬𑀁.

𑁯𑁯. ‘‘𑀲𑀺𑀓𑁆𑀔𑀫𑀸𑀦𑀸 𑀅𑀳𑀁 𑀲𑀦𑁆𑀢𑀻, 𑀪𑀸𑀯𑁂𑀦𑁆𑀢𑀻 𑀫𑀕𑁆𑀕𑀫𑀜𑁆𑀚𑀲𑀁;

𑀧𑀳𑀸𑀲𑀺𑀁 𑀭𑀸𑀕𑀤𑁄𑀲𑀜𑁆𑀘, 𑀢𑀤𑁂𑀓𑀝𑁆𑀞𑁂 𑀘 𑀆𑀲𑀯𑁂.

𑁧𑁦𑁦. ‘‘𑀪𑀺𑀓𑁆𑀔𑀼𑀦𑀻 𑀉𑀧𑀲𑀫𑁆𑀧𑀚𑁆𑀚, 𑀧𑀼𑀩𑁆𑀩𑀚𑀸𑀢𑀺𑀫𑀦𑀼𑀲𑁆𑀲𑀭𑀺𑀁;

𑀤𑀺𑀩𑁆𑀩𑀘𑀓𑁆𑀔𑀼 𑀯𑀺𑀲𑁄𑀥𑀺𑀢𑀁 [𑀯𑀺𑀲𑁄𑀥𑀺𑀢𑀁 𑀤𑀺𑀩𑁆𑀩𑀘𑀓𑁆𑀔𑀼 (𑀲𑀻.)], 𑀯𑀺𑀫𑀮𑀁 𑀲𑀸𑀥𑀼𑀪𑀸𑀯𑀺𑀢𑀁.

𑁧𑁦𑁧. ‘‘𑀲𑀗𑁆𑀔𑀸𑀭𑁂 𑀧𑀭𑀢𑁄 𑀤𑀺𑀲𑁆𑀯𑀸, 𑀳𑁂𑀢𑀼𑀚𑀸𑀢𑁂 𑀧𑀮𑁄𑀓𑀺𑀢𑁂 [𑀧𑀮𑁄𑀓𑀺𑀦𑁂 (𑀓.)];

𑀧𑀳𑀸𑀲𑀺𑀁 𑀆𑀲𑀯𑁂 𑀲𑀩𑁆𑀩𑁂, 𑀲𑀻𑀢𑀺𑀪𑀽𑀢𑀸𑀫𑁆𑀳𑀺 𑀦𑀺𑀩𑁆𑀩𑀼𑀢𑀸’’𑀢𑀺.

… 𑀲𑀓𑀼𑀮𑀸 𑀣𑁂𑀭𑀻….