𑁧𑁨. 𑀘𑀦𑁆𑀤𑀸𑀣𑁂𑀭𑀻𑀕𑀸𑀣𑀸

𑁧𑁨𑁨. ‘‘𑀤𑀼𑀕𑁆𑀕𑀢𑀸𑀳𑀁 𑀧𑀼𑀭𑁂 𑀆𑀲𑀺𑀁, 𑀯𑀺𑀥𑀯𑀸 𑀘 𑀅𑀧𑀼𑀢𑁆𑀢𑀺𑀓𑀸;

𑀯𑀺𑀦𑀸 𑀫𑀺𑀢𑁆𑀢𑁂𑀳𑀺 𑀜𑀸𑀢𑀻𑀳𑀺, 𑀪𑀢𑁆𑀢𑀘𑁄𑀴𑀲𑁆𑀲 𑀦𑀸𑀥𑀺𑀕𑀁.

𑁧𑁨𑁩. ‘‘𑀧𑀢𑁆𑀢𑀁 𑀤𑀡𑁆𑀟𑀜𑁆𑀘 𑀕𑀡𑁆𑀳𑀺𑀢𑁆𑀯𑀸, 𑀪𑀺𑀓𑁆𑀔𑀫𑀸𑀦𑀸 𑀓𑀼𑀮𑀸 𑀓𑀼𑀮𑀁;

𑀲𑀻𑀢𑀼𑀡𑁆𑀳𑁂𑀦 𑀘 𑀟𑀬𑁆𑀳𑀦𑁆𑀢𑀻, 𑀲𑀢𑁆𑀢 𑀯𑀲𑁆𑀲𑀸𑀦𑀺 𑀘𑀸𑀭𑀺𑀳𑀁.

𑁧𑁨𑁪. ‘‘𑀪𑀺𑀓𑁆𑀔𑀼𑀦𑀺𑀁 𑀧𑀼𑀦 𑀤𑀺𑀲𑁆𑀯𑀸𑀦, 𑀅𑀦𑁆𑀦𑀧𑀸𑀦𑀲𑁆𑀲 𑀮𑀸𑀪𑀺𑀦𑀺𑀁;

𑀉𑀧𑀲𑀗𑁆𑀓𑀫𑁆𑀫 𑀅𑀯𑁄𑀘𑀁 [𑀅𑀯𑁄𑀘𑀺𑀁 (𑀓.)], ‘𑀧𑀩𑁆𑀩𑀚𑁆𑀚𑀁 𑀅𑀦𑀕𑀸𑀭𑀺𑀬𑀁’.

𑁧𑁨𑁫. ‘‘𑀲𑀸 𑀘 𑀫𑀁 𑀅𑀦𑀼𑀓𑀫𑁆𑀧𑀸𑀬, 𑀧𑀩𑁆𑀩𑀸𑀚𑁂𑀲𑀺 𑀧𑀝𑀸𑀘𑀸𑀭𑀸;

𑀢𑀢𑁄 𑀫𑀁 𑀑𑀯𑀤𑀺𑀢𑁆𑀯𑀸𑀦, 𑀧𑀭𑀫𑀢𑁆𑀣𑁂 𑀦𑀺𑀬𑁄𑀚𑀬𑀺.

𑁧𑁨𑁬. ‘‘𑀢𑀲𑁆𑀲𑀸𑀳𑀁 𑀯𑀘𑀦𑀁 𑀲𑀼𑀢𑁆𑀯𑀸, 𑀅𑀓𑀸𑀲𑀺𑀁 𑀅𑀦𑀼𑀲𑀸𑀲𑀦𑀺𑀁;

𑀅𑀫𑁄𑀖𑁄 𑀅𑀬𑁆𑀬𑀸𑀬𑁄𑀯𑀸𑀤𑁄, 𑀢𑁂𑀯𑀺𑀚𑁆𑀚𑀸𑀫𑁆𑀳𑀺 𑀅𑀦𑀸𑀲𑀯𑀸’’𑀢𑀺.

… 𑀘𑀦𑁆𑀤𑀸 𑀣𑁂𑀭𑀻….

𑀧𑀜𑁆𑀘𑀓𑀦𑀺𑀧𑀸𑀢𑁄 𑀦𑀺𑀝𑁆𑀞𑀺𑀢𑁄.