𑁧𑁦. 𑀧𑀝𑀸𑀘𑀸𑀭𑀸𑀣𑁂𑀭𑀻𑀕𑀸𑀣𑀸

𑁧𑁧𑁨. ‘‘𑀦𑀗𑁆𑀕𑀮𑁂𑀳𑀺 𑀓𑀲𑀁 𑀔𑁂𑀢𑁆𑀢𑀁, 𑀩𑀻𑀚𑀸𑀦𑀺 𑀧𑀯𑀧𑀁 𑀙𑀫𑀸;

𑀧𑀼𑀢𑁆𑀢𑀤𑀸𑀭𑀸𑀦𑀺 𑀧𑁄𑀲𑁂𑀦𑁆𑀢𑀸, 𑀥𑀦𑀁 𑀯𑀺𑀦𑁆𑀤𑀦𑁆𑀢𑀺 𑀫𑀸𑀡𑀯𑀸.

𑁧𑁧𑁩. ‘‘𑀓𑀺𑀫𑀳𑀁 𑀲𑀻𑀮𑀲𑀫𑁆𑀧𑀦𑁆𑀦𑀸, 𑀲𑀢𑁆𑀣𑀼𑀲𑀸𑀲𑀦𑀓𑀸𑀭𑀺𑀓𑀸;

𑀦𑀺𑀩𑁆𑀩𑀸𑀦𑀁 𑀦𑀸𑀥𑀺𑀕𑀘𑁆𑀙𑀸𑀫𑀺, 𑀅𑀓𑀼𑀲𑀻𑀢𑀸 𑀅𑀦𑀼𑀤𑁆𑀥𑀢𑀸.

𑁧𑁧𑁪. ‘‘𑀧𑀸𑀤𑁂 𑀧𑀓𑁆𑀔𑀸𑀮𑀬𑀺𑀢𑁆𑀯𑀸𑀦, 𑀉𑀤𑀓𑁂𑀲𑀼 𑀓𑀭𑁄𑀫𑀳𑀁;

𑀧𑀸𑀤𑁄𑀤𑀓𑀜𑁆𑀘 𑀤𑀺𑀲𑁆𑀯𑀸𑀦, 𑀣𑀮𑀢𑁄 𑀦𑀺𑀦𑁆𑀦𑀫𑀸𑀕𑀢𑀁.

𑁧𑁧𑁫. ‘‘𑀢𑀢𑁄 𑀘𑀺𑀢𑁆𑀢𑀁 𑀲𑀫𑀸𑀥𑁂𑀲𑀺𑀁, 𑀅𑀲𑁆𑀲𑀁 𑀪𑀤𑁆𑀭𑀁𑀯𑀚𑀸𑀦𑀺𑀬𑀁;

𑀢𑀢𑁄 𑀤𑀻𑀧𑀁 𑀕𑀳𑁂𑀢𑁆𑀯𑀸𑀦, 𑀯𑀺𑀳𑀸𑀭𑀁 𑀧𑀸𑀯𑀺𑀲𑀺𑀁 𑀅𑀳𑀁;

𑀲𑁂𑀬𑁆𑀬𑀁 𑀑𑀮𑁄𑀓𑀬𑀺𑀢𑁆𑀯𑀸𑀦, 𑀫𑀜𑁆𑀘𑀓𑀫𑁆𑀳𑀺 𑀉𑀧𑀸𑀯𑀺𑀲𑀺𑀁.

𑁧𑁧𑁬. ‘‘𑀢𑀢𑁄 𑀲𑀽𑀘𑀺𑀁 𑀕𑀳𑁂𑀢𑁆𑀯𑀸𑀦, 𑀯𑀝𑁆𑀝𑀺𑀁 𑀑𑀓𑀲𑁆𑀲𑀬𑀸𑀫𑀳𑀁;

𑀧𑀤𑀻𑀧𑀲𑁆𑀲𑁂𑀯 𑀦𑀺𑀩𑁆𑀩𑀸𑀦𑀁, 𑀯𑀺𑀫𑁄𑀓𑁆𑀔𑁄 𑀅𑀳𑀼 𑀘𑁂𑀢𑀲𑁄’’𑀢𑀺.

… 𑀧𑀝𑀸𑀘𑀸𑀭𑀸 𑀣𑁂𑀭𑀻….