𑁧. 𑀪𑀤𑁆𑀤𑀸𑀓𑀸𑀧𑀺𑀮𑀸𑀦𑀻𑀣𑁂𑀭𑀻𑀕𑀸𑀣𑀸

𑁬𑁩. ‘‘𑀧𑀼𑀢𑁆𑀢𑁄 𑀩𑀼𑀤𑁆𑀥𑀲𑁆𑀲 𑀤𑀸𑀬𑀸𑀤𑁄, 𑀓𑀲𑁆𑀲𑀧𑁄 𑀲𑀼𑀲𑀫𑀸𑀳𑀺𑀢𑁄;

𑀧𑀼𑀩𑁆𑀩𑁂𑀦𑀺𑀯𑀸𑀲𑀁 𑀬𑁄𑀯𑁂𑀤𑀺, 𑀲𑀕𑁆𑀕𑀸𑀧𑀸𑀬𑀜𑁆𑀘 𑀧𑀲𑁆𑀲𑀢𑀺.

𑁬𑁪. ‘‘𑀅𑀣𑁄 𑀚𑀸𑀢𑀺𑀓𑁆𑀔𑀬𑀁 𑀧𑀢𑁆𑀢𑁄, 𑀅𑀪𑀺𑀜𑁆𑀜𑀸𑀯𑁄𑀲𑀺𑀢𑁄 𑀫𑀼𑀦𑀺;

𑀏𑀢𑀸𑀳𑀺 𑀢𑀻𑀳𑀺 𑀯𑀺𑀚𑁆𑀚𑀸𑀳𑀺, 𑀢𑁂𑀯𑀺𑀚𑁆𑀚𑁄 𑀳𑁄𑀢𑀺 𑀩𑁆𑀭𑀸𑀳𑁆𑀫𑀡𑁄.

𑁬𑁫. ‘‘𑀢𑀣𑁂𑀯 𑀪𑀤𑁆𑀤𑀸 𑀓𑀸𑀧𑀺𑀮𑀸𑀦𑀻, 𑀢𑁂𑀯𑀺𑀚𑁆𑀚𑀸 𑀫𑀘𑁆𑀘𑀼𑀳𑀸𑀬𑀺𑀦𑀻;

𑀥𑀸𑀭𑁂𑀢𑀺 𑀅𑀦𑁆𑀢𑀺𑀫𑀁 𑀤𑁂𑀳𑀁, 𑀚𑁂𑀢𑁆𑀯𑀸 𑀫𑀸𑀭𑀁 𑀲𑀯𑀸𑀳𑀦𑀁.

𑁬𑁬. ‘‘𑀤𑀺𑀲𑁆𑀯𑀸 𑀆𑀤𑀻𑀦𑀯𑀁 𑀮𑁄𑀓𑁂, 𑀉𑀪𑁄 𑀧𑀩𑁆𑀩𑀚𑀺𑀢𑀸 𑀫𑀬𑀁;

𑀢𑁆𑀬𑀫𑁆𑀳 𑀔𑀻𑀡𑀸𑀲𑀯𑀸 𑀤𑀦𑁆𑀢𑀸, 𑀲𑀻𑀢𑀺𑀪𑀽𑀢𑀫𑁆𑀳 𑀦𑀺𑀩𑁆𑀩𑀼𑀢𑀸’’𑀢𑀺.

… 𑀪𑀤𑁆𑀤𑀸 𑀓𑀸𑀧𑀺𑀮𑀸𑀦𑀻 𑀣𑁂𑀭𑀻….

𑀘𑀢𑀼𑀓𑁆𑀓𑀦𑀺𑀧𑀸𑀢𑁄 𑀦𑀺𑀝𑁆𑀞𑀺𑀢𑁄.