𑁧𑁨. 𑀥𑀫𑁆𑀫𑀤𑀺𑀦𑁆𑀦𑀸𑀣𑁂𑀭𑀻𑀕𑀸𑀣𑀸

𑁧𑁨. ‘‘𑀙𑀦𑁆𑀤𑀚𑀸𑀢𑀸 𑀅𑀯𑀲𑀸𑀬𑀻, 𑀫𑀦𑀲𑀸 𑀘 𑀨𑀼𑀝𑀸 [𑀨𑀼𑀝𑁆𑀞𑀸 (𑀲𑁆𑀬𑀸.), 𑀨𑀼𑀞𑀸 (𑀲𑀻. 𑀅𑀝𑁆𑀞.)] 𑀲𑀺𑀬𑀸;

𑀓𑀸𑀫𑁂𑀲𑀼 𑀅𑀧𑁆𑀧𑀝𑀺𑀩𑀤𑁆𑀥𑀘𑀺𑀢𑁆𑀢𑀸 [𑀅𑀧𑁆𑀧𑀝𑀺𑀩𑀦𑁆𑀥𑀘𑀺𑀢𑁆𑀢𑀸 (𑀓.)], 𑀉𑀤𑁆𑀥𑀁𑀲𑁄𑀢𑀸𑀢𑀺 𑀯𑀼𑀘𑁆𑀘𑀢𑀻’’𑀢𑀺 [𑀉𑀤𑁆𑀥𑀁𑀲𑁄𑀢𑀸 𑀯𑀺𑀫𑀼𑀘𑁆𑀘𑀢𑀻𑀢𑀺 (𑀲𑀻. 𑀧𑀻.)].

… 𑀥𑀫𑁆𑀫𑀤𑀺𑀦𑁆𑀦𑀸 𑀣𑁂𑀭𑀻….

𑁧𑁩.𑀯𑀺𑀲𑀸𑀔𑀸𑀣𑁂𑀭𑀻𑀕𑀸𑀣𑀸

𑁧𑁩. ‘‘𑀓𑀭𑁄𑀣 𑀩𑀼𑀤𑁆𑀥𑀲𑀸𑀲𑀦𑀁, 𑀬𑀁 𑀓𑀢𑁆𑀯𑀸 𑀦𑀸𑀦𑀼𑀢𑀧𑁆𑀧𑀢𑀺;

𑀔𑀺𑀧𑁆𑀧𑀁 𑀧𑀸𑀤𑀸𑀦𑀺 𑀥𑁄𑀯𑀺𑀢𑁆𑀯𑀸, 𑀏𑀓𑀫𑀦𑁆𑀢𑁂 𑀦𑀺𑀲𑀻𑀤𑀣𑀸’’𑀢𑀺.

… 𑀯𑀺𑀲𑀸𑀔𑀸 𑀣𑁂𑀭𑀻….

𑁧𑁪.𑀲𑀼𑀫𑀦𑀸𑀣𑁂𑀭𑀻𑀕𑀸𑀣𑀸

𑁧𑁪. ‘‘𑀥𑀸𑀢𑀼𑀬𑁄 𑀤𑀼𑀓𑁆𑀔𑀢𑁄 𑀤𑀺𑀲𑁆𑀯𑀸, 𑀫𑀸 𑀚𑀸𑀢𑀺𑀁 𑀧𑀼𑀦𑀭𑀸𑀕𑀫𑀺;

𑀪𑀯𑁂 𑀙𑀦𑁆𑀤𑀁 𑀯𑀺𑀭𑀸𑀚𑁂𑀢𑁆𑀯𑀸, 𑀉𑀧𑀲𑀦𑁆𑀢𑀸 𑀘𑀭𑀺𑀲𑁆𑀲𑀲𑀻’’𑀢𑀺.

… 𑀲𑀼𑀫𑀦𑀸 𑀣𑁂𑀭𑀻….