𑁧𑁦. 𑀉𑀝𑁆𑀞𑀸𑀦𑀲𑀼𑀢𑁆𑀢𑀁

𑁩𑁩𑁩. 𑀉𑀝𑁆𑀞𑀳𑀣 𑀦𑀺𑀲𑀻𑀤𑀣, 𑀓𑁄 𑀅𑀢𑁆𑀣𑁄 𑀲𑀼𑀧𑀺𑀢𑁂𑀦 𑀯𑁄;

𑀆𑀢𑀼𑀭𑀸𑀦𑀜𑁆𑀳𑀺 𑀓𑀸 𑀦𑀺𑀤𑁆𑀤𑀸, 𑀲𑀮𑁆𑀮𑀯𑀺𑀤𑁆𑀥𑀸𑀦 𑀭𑀼𑀧𑁆𑀧𑀢𑀁.

𑁩𑁩𑁪. 𑀉𑀝𑁆𑀞𑀳𑀣 𑀦𑀺𑀲𑀻𑀤𑀣, 𑀤𑀴𑁆𑀳𑀁 𑀲𑀺𑀓𑁆𑀔𑀣 𑀲𑀦𑁆𑀢𑀺𑀬𑀸;

𑀫𑀸 𑀯𑁄 𑀧𑀫𑀢𑁆𑀢𑁂 𑀯𑀺𑀜𑁆𑀜𑀸𑀬, 𑀫𑀘𑁆𑀘𑀼𑀭𑀸𑀚𑀸 𑀅𑀫𑁄𑀳𑀬𑀺𑀢𑁆𑀣 𑀯𑀲𑀸𑀦𑀼𑀕𑁂.

𑁩𑁩𑁫. 𑀬𑀸𑀬 𑀤𑁂𑀯𑀸 𑀫𑀦𑀼𑀲𑁆𑀲𑀸 𑀘, 𑀲𑀺𑀢𑀸 𑀢𑀺𑀝𑁆𑀞𑀦𑁆𑀢𑀺 𑀅𑀢𑁆𑀣𑀺𑀓𑀸;

𑀢𑀭𑀣𑁂𑀢𑀁 𑀯𑀺𑀲𑀢𑁆𑀢𑀺𑀓𑀁, 𑀔𑀡𑁄 𑀯𑁄 [𑀔𑀡𑁄 𑀯𑁂 (𑀧𑀻. 𑀓.)] 𑀫𑀸 𑀉𑀧𑀘𑁆𑀘𑀕𑀸;

𑀔𑀡𑀸𑀢𑀻𑀢𑀸 𑀳𑀺 𑀲𑁄𑀘𑀦𑁆𑀢𑀺, 𑀦𑀺𑀭𑀬𑀫𑁆𑀳𑀺 𑀲𑀫𑀧𑁆𑀧𑀺𑀢𑀸.

𑁩𑁩𑁬. 𑀧𑀫𑀸𑀤𑁄 𑀭𑀚𑁄 𑀧𑀫𑀸𑀤𑁄, 𑀧𑀫𑀸𑀤𑀸𑀦𑀼𑀧𑀢𑀺𑀢𑁄 𑀭𑀚𑁄;

𑀅𑀧𑁆𑀧𑀫𑀸𑀤𑁂𑀦 𑀯𑀺𑀚𑁆𑀚𑀸𑀬, 𑀅𑀩𑁆𑀩𑀳𑁂 [𑀅𑀩𑁆𑀩𑀽𑀴𑁆𑀳𑁂 (𑀲𑁆𑀬𑀸. 𑀧𑀻.), 𑀅𑀩𑁆𑀩𑀼𑀳𑁂 (𑀓. 𑀅𑀝𑁆𑀞.)] 𑀲𑀮𑁆𑀮𑀫𑀢𑁆𑀢𑀦𑁄𑀢𑀺.

𑀉𑀝𑁆𑀞𑀸𑀦𑀲𑀼𑀢𑁆𑀢𑀁 𑀤𑀲𑀫𑀁 𑀦𑀺𑀝𑁆𑀞𑀺𑀢𑀁.