𑁧𑁫. 𑀲𑁂𑀝𑁆𑀞𑀺𑀧𑀼𑀢𑁆𑀢𑀧𑁂𑀢𑀯𑀢𑁆𑀣𑀼

𑁮𑁦𑁨. [𑀚𑀸. 𑁧.𑁪.𑁫𑁪 𑀚𑀸𑀢𑀓𑁂𑀧𑀺] ‘‘𑀲𑀝𑁆𑀞𑀺𑀯𑀲𑁆𑀲𑀲𑀳𑀲𑁆𑀲𑀸𑀦𑀺, 𑀧𑀭𑀺𑀧𑀼𑀡𑁆𑀡𑀸𑀦𑀺 𑀲𑀩𑁆𑀩𑀲𑁄;

𑀦𑀺𑀭𑀬𑁂 𑀧𑀘𑁆𑀘𑀫𑀸𑀦𑀸𑀦𑀁, 𑀓𑀤𑀸 𑀅𑀦𑁆𑀢𑁄 𑀪𑀯𑀺𑀲𑁆𑀲𑀢𑀺’’.

𑁮𑁦𑁩. [𑀚𑀸. 𑁧.𑁪.𑁫𑁫 𑀚𑀸𑀢𑀓𑁂𑀧𑀺] ‘‘𑀦𑀢𑁆𑀣𑀺 𑀅𑀦𑁆𑀢𑁄 𑀓𑀼𑀢𑁄 𑀅𑀦𑁆𑀢𑁄, 𑀦 𑀅𑀦𑁆𑀢𑁄 𑀧𑀝𑀺𑀤𑀺𑀲𑁆𑀲𑀢𑀺;

𑀢𑀣𑀸 𑀳𑀺 𑀧𑀓𑀢𑀁 𑀧𑀸𑀧𑀁, 𑀢𑀼𑀬𑁆𑀳𑀁 𑀫𑀬𑁆𑀳𑀜𑁆𑀘 𑀫𑀸𑀭𑀺𑀲𑀸 [𑀫𑀫 𑀢𑀼𑀬𑁆𑀳𑀜𑁆𑀘 𑀫𑀸𑀭𑀺𑀲 (𑀲𑀻. 𑀲𑁆𑀬𑀸. 𑀧𑀻.)].

𑁮𑁦𑁪. [𑀚𑀸. 𑁧.𑁪.𑁫𑁩 𑀚𑀸𑀢𑀓𑁂𑀧𑀺] ‘‘𑀤𑀼𑀚𑁆𑀚𑀻𑀯𑀺𑀢𑀫𑀚𑀻𑀯𑀫𑁆𑀳, 𑀬𑁂 𑀲𑀦𑁆𑀢𑁂 𑀦 𑀤𑀤𑀫𑁆𑀳𑀲𑁂;

𑀲𑀦𑁆𑀢𑁂𑀲𑀼 𑀤𑁂𑀬𑁆𑀬𑀥𑀫𑁆𑀫𑁂𑀲𑀼, 𑀤𑀻𑀧𑀁 𑀦𑀸𑀓𑀫𑁆𑀳 𑀅𑀢𑁆𑀢𑀦𑁄.

𑁮𑁦𑁫. [𑀚𑀸. 𑁧.𑁪.𑁫𑁬 𑀚𑀸𑀢𑀓𑁂𑀧𑀺] ‘‘𑀲𑁄𑀳𑀁 𑀦𑀽𑀦 𑀇𑀢𑁄 𑀕𑀦𑁆𑀢𑁆𑀯𑀸, 𑀬𑁄𑀦𑀺𑀁 𑀮𑀤𑁆𑀥𑀸𑀦 𑀫𑀸𑀦𑀼𑀲𑀺𑀁;

𑀯𑀤𑀜𑁆𑀜𑀽 𑀲𑀻𑀮𑀲𑀫𑁆𑀧𑀦𑁆𑀦𑁄, 𑀓𑀸𑀳𑀸𑀫𑀺 𑀓𑀼𑀲𑀮𑀁 𑀩𑀳𑀼’’𑀦𑁆𑀢𑀺.

𑀲𑁂𑀝𑁆𑀞𑀺𑀧𑀼𑀢𑁆𑀢𑀧𑁂𑀢𑀯𑀢𑁆𑀣𑀼 𑀧𑀦𑁆𑀦𑀭𑀲𑀫𑀁.