𑁪. 𑀧𑀺𑀝𑁆𑀞𑀥𑀻𑀢𑀮𑀺𑀓𑀧𑁂𑀢𑀯𑀢𑁆𑀣𑀼

𑁧𑁦. ‘‘𑀬𑀁 𑀓𑀺𑀜𑁆𑀘𑀸𑀭𑀫𑁆𑀫𑀡𑀁 𑀓𑀢𑁆𑀯𑀸, 𑀤𑀚𑁆𑀚𑀸 𑀤𑀸𑀦𑀁 𑀅𑀫𑀘𑁆𑀙𑀭𑀻;

𑀧𑀼𑀩𑁆𑀩𑀧𑁂𑀢𑁂 𑀘 𑀆𑀭𑀩𑁆𑀪, 𑀅𑀣 𑀯𑀸 𑀯𑀢𑁆𑀣𑀼𑀤𑁂𑀯𑀢𑀸.

𑁧𑁧. ‘‘𑀘𑀢𑁆𑀢𑀸𑀭𑁄 𑀘 𑀫𑀳𑀸𑀭𑀸𑀚𑁂, 𑀮𑁄𑀓𑀧𑀸𑀮𑁂 𑀬𑀲𑀲𑁆𑀲𑀺𑀦𑁂 [𑀬𑀲𑀲𑁆𑀲𑀺𑀦𑁄 (𑀲𑀻. 𑀲𑁆𑀬𑀸.)];

𑀓𑀼𑀯𑁂𑀭𑀁 𑀥𑀢𑀭𑀝𑁆𑀞𑀜𑁆𑀘, 𑀯𑀺𑀭𑀽𑀧𑀓𑁆𑀔𑀁 𑀯𑀺𑀭𑀽𑀴𑁆𑀳𑀓𑀁;

𑀢𑁂 𑀘𑁂𑀯 𑀧𑀽𑀚𑀺𑀢𑀸 𑀳𑁄𑀦𑁆𑀢𑀺, 𑀤𑀸𑀬𑀓𑀸 𑀘 𑀅𑀦𑀺𑀧𑁆𑀨𑀮𑀸.

𑁧𑁨. ‘‘𑀦 𑀳𑀺 𑀭𑀼𑀡𑁆𑀡𑀁 𑀯𑀸 𑀲𑁄𑀓𑁄 𑀯𑀸, 𑀬𑀸 𑀘𑀜𑁆𑀜𑀸 𑀧𑀭𑀺𑀤𑁂𑀯𑀦𑀸;

𑀦 𑀢𑀁 𑀧𑁂𑀢𑀲𑁆𑀲 𑀅𑀢𑁆𑀣𑀸𑀬, 𑀏𑀯𑀁 𑀢𑀺𑀝𑁆𑀞𑀦𑁆𑀢𑀺 𑀜𑀸𑀢𑀬𑁄.

𑁧𑁩. ‘‘𑀅𑀬𑀜𑁆𑀘 𑀔𑁄 𑀤𑀓𑁆𑀔𑀺𑀡𑀸 𑀤𑀺𑀦𑁆𑀦𑀸, 𑀲𑀗𑁆𑀖𑀫𑁆𑀳𑀺 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀸;

𑀤𑀻𑀖𑀭𑀢𑁆𑀢𑀁 𑀳𑀺𑀢𑀸𑀬𑀲𑁆𑀲, 𑀞𑀸𑀦𑀲𑁄 𑀉𑀧𑀓𑀧𑁆𑀧𑀢𑀻’’𑀢𑀺.

𑀧𑀺𑀝𑁆𑀞𑀥𑀻𑀢𑀮𑀺𑀓𑀧𑁂𑀢𑀯𑀢𑁆𑀣𑀼 𑀘𑀢𑀼𑀢𑁆𑀣𑀁.