𑁧𑁦. 𑀤𑀻𑀖𑀝𑁆𑀞𑀺𑀧𑀜𑁆𑀳𑁄

𑁧𑁦. 𑀭𑀸𑀚𑀸 𑀆𑀳 ‘‘𑀪𑀦𑁆𑀢𑁂 𑀦𑀸𑀕𑀲𑁂𑀦, 𑀢𑀼𑀫𑁆𑀳𑁂 𑀏𑀯𑀁 𑀪𑀡𑀣 ‘𑀅𑀝𑁆𑀞𑀺𑀓𑀸𑀦𑀺 𑀤𑀻𑀖𑀸𑀦𑀺 𑀬𑁄𑀚𑀦𑀲𑀢𑀺𑀓𑀸𑀦𑀺𑀧𑀻’𑀢𑀺, 𑀭𑀼𑀓𑁆𑀔𑁄𑀧𑀺 𑀢𑀸𑀯 𑀦𑀢𑁆𑀣𑀺 𑀬𑁄𑀚𑀦𑀲𑀢𑀺𑀓𑁄, 𑀓𑀼𑀢𑁄 𑀧𑀦 𑀅𑀝𑁆𑀞𑀺𑀓𑀸𑀦𑀺 𑀤𑀻𑀖𑀸𑀦𑀺 𑀬𑁄𑀚𑀦𑀲𑀢𑀺𑀓𑀸𑀦𑀺 𑀪𑀯𑀺𑀲𑁆𑀲𑀦𑁆𑀢𑀻’’𑀢𑀺?

‘‘𑀢𑀁 𑀓𑀺𑀁 𑀫𑀜𑁆𑀜𑀲𑀺, 𑀫𑀳𑀸𑀭𑀸𑀚, 𑀲𑀼𑀢𑀁 𑀢𑁂 ‘𑀫𑀳𑀸𑀲𑀫𑀼𑀤𑁆𑀤𑁂 𑀧𑀜𑁆𑀘𑀬𑁄𑀚𑀦𑀲𑀢𑀺𑀓𑀸𑀧𑀺 𑀫𑀘𑁆𑀙𑀸 𑀅𑀢𑁆𑀣𑀻’’’𑀢𑀺? ‘‘𑀆𑀫, 𑀪𑀦𑁆𑀢𑁂, 𑀲𑀼𑀢’’𑀦𑁆𑀢𑀺. ‘‘𑀦𑀦𑀼 𑀫𑀳𑀸𑀭𑀸𑀚, 𑀧𑀜𑁆𑀘𑀬𑁄𑀚𑀦𑀲𑀢𑀺𑀓𑀲𑁆𑀲 𑀫𑀘𑁆𑀙𑀲𑁆𑀲 𑀅𑀝𑁆𑀞𑀺𑀓𑀸𑀦𑀺 𑀤𑀻𑀖𑀸𑀦𑀺 𑀪𑀯𑀺𑀲𑁆𑀲𑀦𑁆𑀢𑀺 𑀬𑁄𑀚𑀦𑀲𑀢𑀺𑀓𑀸𑀦𑀺𑀧𑀻’’𑀢𑀺?

‘‘𑀓𑀮𑁆𑀮𑁄𑀲𑀺, 𑀪𑀦𑁆𑀢𑁂 𑀦𑀸𑀕𑀲𑁂𑀦𑀸’’𑀢𑀺.

𑀤𑀻𑀖𑀝𑁆𑀞𑀺𑀧𑀜𑁆𑀳𑁄 𑀤𑀲𑀫𑁄.