𑁭. 𑀲𑀭𑀸𑀕𑀯𑀻𑀢𑀭𑀸𑀕𑀦𑀸𑀦𑀸𑀓𑀭𑀡𑀧𑀜𑁆𑀳𑁄

𑁭. 𑀭𑀸𑀚𑀸 𑀆𑀳 ‘‘𑀪𑀦𑁆𑀢𑁂 𑀦𑀸𑀕𑀲𑁂𑀦, 𑀓𑀺𑀁 𑀦𑀸𑀦𑀸𑀓𑀭𑀡𑀁 𑀲𑀭𑀸𑀕𑀲𑁆𑀲 𑀘 𑀯𑀻𑀢𑀭𑀸𑀕𑀲𑁆𑀲 𑀘𑀸’’𑀢𑀺? ‘‘𑀏𑀓𑁄 𑀔𑁄, 𑀫𑀳𑀸𑀭𑀸𑀚, 𑀅𑀚𑁆𑀛𑁄𑀲𑀺𑀢𑁄, 𑀏𑀓𑁄 𑀅𑀦𑀚𑁆𑀛𑁄𑀲𑀺𑀢𑁄’’𑀢𑀺. ‘‘𑀓𑀺𑀁 𑀏𑀢𑀁, 𑀪𑀦𑁆𑀢𑁂, 𑀅𑀚𑁆𑀛𑁄𑀲𑀺𑀢𑁄 𑀅𑀦𑀚𑁆𑀛𑁄𑀲𑀺𑀢𑁄 𑀦𑀸𑀫𑀸’’𑀢𑀺? ‘‘𑀏𑀓𑁄 𑀔𑁄, 𑀫𑀳𑀸𑀭𑀸𑀚, 𑀅𑀢𑁆𑀣𑀺𑀓𑁄, 𑀏𑀓𑁄 𑀅𑀦𑀢𑁆𑀣𑀺𑀓𑁄’’𑀢𑀺. ‘‘𑀧𑀲𑁆𑀲𑀸𑀫𑀳𑀁, 𑀪𑀦𑁆𑀢𑁂, 𑀏𑀯𑀭𑀽𑀧𑀁 𑀬𑁄 𑀘 𑀲𑀭𑀸𑀕𑁄, 𑀬𑁄 𑀘 𑀯𑀻𑀢𑀭𑀸𑀕𑁄, 𑀲𑀩𑁆𑀩𑁄𑀧𑁂𑀲𑁄 𑀲𑁄𑀪𑀦𑀁 𑀬𑁂𑀯 𑀇𑀘𑁆𑀙𑀢𑀺 𑀔𑀸𑀤𑀦𑀻𑀬𑀁 𑀯𑀸 𑀪𑁄𑀚𑀦𑀻𑀬𑀁 𑀯𑀸, 𑀦 𑀓𑁄𑀘𑀺 𑀧𑀸𑀧𑀓𑀁 𑀇𑀘𑁆𑀙𑀢𑀻’’𑀢𑀺. ‘‘𑀅𑀯𑀻𑀢𑀭𑀸𑀕𑁄 𑀔𑁄, 𑀫𑀳𑀸𑀭𑀸𑀚, 𑀭𑀲𑀧𑀝𑀺𑀲𑀁𑀯𑁂𑀤𑀻 𑀘 𑀭𑀲𑀭𑀸𑀕𑀧𑀝𑀺𑀲𑀁𑀯𑁂𑀤𑀻 𑀘 𑀪𑁄𑀚𑀦𑀁 𑀪𑀼𑀜𑁆𑀚𑀢𑀺, 𑀯𑀻𑀢𑀭𑀸𑀕𑁄 𑀧𑀦 𑀭𑀲𑀧𑀝𑀺𑀲𑀁𑀯𑁂𑀤𑀻 𑀪𑁄𑀚𑀦𑀁 𑀪𑀼𑀜𑁆𑀚𑀢𑀺, 𑀦𑁄 𑀘 𑀔𑁄 𑀭𑀲𑀭𑀸𑀕𑀧𑀝𑀺𑀲𑀁𑀯𑁂𑀤𑀻’’𑀢𑀺.

‘‘𑀓𑀮𑁆𑀮𑁄𑀲𑀺, 𑀪𑀦𑁆𑀢𑁂 𑀦𑀸𑀕𑀲𑁂𑀦𑀸’’𑀢𑀺.

𑀲𑀭𑀸𑀕𑀯𑀻𑀢𑀭𑀸𑀕𑀦𑀸𑀦𑀸𑀓𑀭𑀡𑀧𑀜𑁆𑀳𑁄 𑀲𑀢𑁆𑀢𑀫𑁄.