𑁧𑁧. 𑀅𑀪𑀺𑀚𑀸𑀦𑀦𑁆𑀢𑀲𑀢𑀺𑀧𑀜𑁆𑀳𑁄

𑁧𑁧. 𑀭𑀸𑀚𑀸 𑀆𑀳 ‘‘𑀪𑀦𑁆𑀢𑁂 𑀦𑀸𑀕𑀲𑁂𑀦, 𑀲𑀩𑁆𑀩𑀸 𑀲𑀢𑀺 𑀅𑀪𑀺𑀚𑀸𑀦𑀦𑁆𑀢𑀻 𑀉𑀧𑁆𑀧𑀚𑁆𑀚𑀢𑀺, 𑀉𑀤𑀸𑀳𑀼 𑀓𑀝𑀼𑀫𑀺𑀓𑀸𑀯 𑀲𑀢𑀻’’𑀢𑀺? ‘‘𑀅𑀪𑀺𑀚𑀸𑀦𑀦𑁆𑀢𑀻𑀧𑀺, 𑀫𑀳𑀸𑀭𑀸𑀚, 𑀓𑀝𑀼𑀫𑀺𑀓𑀸𑀧𑀺 𑀲𑀢𑀻’’𑀢𑀺. ‘‘𑀏𑀯𑀜𑁆𑀳𑀺 𑀔𑁄, 𑀪𑀦𑁆𑀢𑁂 𑀦𑀸𑀕𑀲𑁂𑀦, 𑀲𑀩𑁆𑀩𑀸 𑀲𑀢𑀺 𑀅𑀪𑀺𑀚𑀸𑀦𑀦𑁆𑀢𑀻, 𑀦𑀢𑁆𑀣𑀺 𑀓𑀝𑀼𑀫𑀺𑀓𑀸 𑀲𑀢𑀻’’𑀢𑀺? ‘‘𑀬𑀤𑀺 𑀦𑀢𑁆𑀣𑀺, 𑀫𑀳𑀸𑀭𑀸𑀚, 𑀓𑀝𑀼𑀫𑀺𑀓𑀸 𑀲𑀢𑀺, 𑀦𑀢𑁆𑀣𑀺 𑀓𑀺𑀜𑁆𑀘𑀺 𑀲𑀺𑀧𑁆𑀧𑀺𑀓𑀸𑀦𑀁 𑀓𑀫𑁆𑀫𑀸𑀬𑀢𑀦𑁂𑀳𑀺 𑀯𑀸 𑀲𑀺𑀧𑁆𑀧𑀸𑀬𑀢𑀦𑁂𑀳𑀺 𑀯𑀸 𑀯𑀺𑀚𑁆𑀚𑀸𑀝𑁆𑀞𑀸𑀦𑁂𑀳𑀺 𑀯𑀸 𑀓𑀭𑀡𑀻𑀬𑀁, 𑀦𑀺𑀭𑀢𑁆𑀣𑀓𑀸 𑀆𑀘𑀭𑀺𑀬𑀸, 𑀬𑀲𑁆𑀫𑀸 𑀘 𑀔𑁄, 𑀫𑀳𑀸𑀭𑀸𑀚, 𑀅𑀢𑁆𑀣𑀺 𑀓𑀝𑀼𑀫𑀺𑀓𑀸 𑀲𑀢𑀺, 𑀢𑀲𑁆𑀫𑀸 𑀅𑀢𑁆𑀣𑀺 𑀓𑀫𑁆𑀫𑀸𑀬𑀢𑀦𑁂𑀳𑀺 𑀯𑀸 𑀲𑀺𑀧𑁆𑀧𑀸𑀬𑀢𑀦𑁂𑀳𑀺 𑀯𑀸 𑀯𑀺𑀚𑁆𑀚𑀸𑀝𑁆𑀞𑀸𑀦𑁂𑀳𑀺 𑀯𑀸 𑀓𑀭𑀡𑀻𑀬𑀁, 𑀅𑀢𑁆𑀣𑁄 𑀘 𑀆𑀘𑀭𑀺𑀬𑁂𑀳𑀻’’𑀢𑀺.

‘‘𑀓𑀮𑁆𑀮𑁄𑀲𑀺, 𑀪𑀦𑁆𑀢𑁂 𑀦𑀸𑀕𑀲𑁂𑀦𑀸’’𑀢𑀺.

𑀅𑀪𑀺𑀚𑀸𑀦𑀦𑁆𑀢𑀲𑀢𑀺𑀧𑀜𑁆𑀳𑁄 𑀏𑀓𑀸𑀤𑀲𑀫𑁄.

𑀲𑀢𑀺𑀯𑀕𑁆𑀕𑁄 𑀙𑀝𑁆𑀞𑁄.

𑀇𑀫𑀲𑁆𑀫𑀺𑀁 𑀯𑀕𑁆𑀕𑁂 𑀏𑀓𑀸𑀤𑀲 𑀧𑀜𑁆𑀳𑀸.