𑁩. 𑀩𑀼𑀤𑁆𑀥𑀲𑁆𑀲 𑀅𑀦𑀼𑀢𑁆𑀢𑀭𑀪𑀸𑀯𑀚𑀸𑀦𑀦𑀧𑀜𑁆𑀳𑁄

𑁩. 𑀭𑀸𑀚𑀸 𑀆𑀳 ‘‘𑀪𑀦𑁆𑀢𑁂 𑀦𑀸𑀕𑀲𑁂𑀦, 𑀲𑀓𑁆𑀓𑀸 𑀚𑀸𑀦𑀺𑀢𑀼𑀁 ‘𑀩𑀼𑀤𑁆𑀥𑁄 𑀅𑀦𑀼𑀢𑁆𑀢𑀭𑁄’’’𑀢𑀺? ‘‘𑀆𑀫, 𑀫𑀳𑀸𑀭𑀸𑀚, 𑀲𑀓𑁆𑀓𑀸 𑀚𑀸𑀦𑀺𑀢𑀼𑀁 ‘𑀪𑀕𑀯𑀸 𑀅𑀦𑀼𑀢𑁆𑀢𑀭𑁄’’’𑀢𑀺. ‘‘𑀓𑀣𑀁, 𑀪𑀦𑁆𑀢𑁂 𑀦𑀸𑀕𑀲𑁂𑀦, 𑀲𑀓𑁆𑀓𑀸 𑀚𑀸𑀦𑀺𑀢𑀼𑀁 ‘𑀩𑀼𑀤𑁆𑀥𑁄 𑀅𑀦𑀼𑀢𑁆𑀢𑀭𑁄’’’𑀢𑀺. ‘‘𑀪𑀽𑀢𑀧𑀼𑀩𑁆𑀩𑀁, 𑀫𑀳𑀸𑀭𑀸𑀚, 𑀢𑀺𑀲𑁆𑀲𑀢𑁆𑀣𑁂𑀭𑁄 𑀦𑀸𑀫 𑀮𑁂𑀔𑀸𑀘𑀭𑀺𑀬𑁄 𑀅𑀳𑁄𑀲𑀺, 𑀩𑀳𑀽𑀦𑀺 𑀯𑀲𑁆𑀲𑀸𑀦𑀺 𑀅𑀩𑁆𑀪𑀢𑀻𑀢𑀸𑀦𑀺 𑀓𑀸𑀮𑀗𑁆𑀓𑀢𑀲𑁆𑀲 𑀓𑀣𑀁 𑀲𑁄 𑀜𑀸𑀬𑀢𑀻’’𑀢𑀺. ‘‘𑀮𑁂𑀔𑁂𑀦 𑀪𑀦𑁆𑀢𑁂’’𑀢𑀺. ‘‘𑀏𑀯𑀫𑁂𑀯 𑀔𑁄, 𑀫𑀳𑀸𑀭𑀸𑀚, 𑀬𑁄 𑀥𑀫𑁆𑀫𑀁 𑀧𑀲𑁆𑀲𑀢𑀺, 𑀲𑁄 𑀪𑀕𑀯𑀦𑁆𑀢𑀁 𑀧𑀲𑁆𑀲𑀢𑀺, 𑀥𑀫𑁆𑀫𑁄 𑀳𑀺, 𑀫𑀳𑀸𑀭𑀸𑀚, 𑀪𑀕𑀯𑀢𑀸 𑀤𑁂𑀲𑀺𑀢𑁄’’𑀢𑀺.

‘‘𑀓𑀮𑁆𑀮𑁄𑀲𑀺, 𑀪𑀦𑁆𑀢𑁂 𑀦𑀸𑀕𑀲𑁂𑀦𑀸’’𑀢𑀺.

𑀩𑀼𑀤𑁆𑀥𑀲𑁆𑀲 𑀅𑀦𑀼𑀢𑁆𑀢𑀭𑀪𑀸𑀯𑀚𑀸𑀦𑀦𑀧𑀜𑁆𑀳𑁄 𑀢𑀢𑀺𑀬𑁄.