𑁪. 𑀓𑀼𑀫𑀸𑀭𑀧𑀜𑁆𑀳𑀸

𑁧. ‘‘𑀏𑀓𑀁 𑀦𑀸𑀫 𑀓𑀺𑀁’’? ‘‘𑀲𑀩𑁆𑀩𑁂 𑀲𑀢𑁆𑀢𑀸 𑀆𑀳𑀸𑀭𑀝𑁆𑀞𑀺𑀢𑀺𑀓𑀸’’.

𑁨. ‘‘𑀤𑁆𑀯𑁂 𑀦𑀸𑀫 𑀓𑀺𑀁’’? ‘‘𑀦𑀸𑀫𑀜𑁆𑀘 𑀭𑀽𑀧𑀜𑁆𑀘’’.

𑁩. ‘‘𑀢𑀻𑀡𑀺 𑀦𑀸𑀫 𑀓𑀺𑀁’’? ‘‘𑀢𑀺𑀲𑁆𑀲𑁄 𑀯𑁂𑀤𑀦𑀸’’.

𑁪. ‘‘𑀘𑀢𑁆𑀢𑀸𑀭𑀺 𑀦𑀸𑀫 𑀓𑀺𑀁’’? ‘‘𑀘𑀢𑁆𑀢𑀸𑀭𑀺 𑀅𑀭𑀺𑀬𑀲𑀘𑁆𑀘𑀸𑀦𑀺’’.

𑁫. ‘‘𑀧𑀜𑁆𑀘 𑀦𑀸𑀫 𑀓𑀺𑀁’’? ‘‘𑀧𑀜𑁆𑀘𑀼𑀧𑀸𑀤𑀸𑀦𑀓𑁆𑀔𑀦𑁆𑀥𑀸’’.

𑁬. ‘‘𑀙 𑀦𑀸𑀫 𑀓𑀺𑀁’’? ‘‘𑀙 𑀅𑀚𑁆𑀛𑀢𑁆𑀢𑀺𑀓𑀸𑀦𑀺 𑀆𑀬𑀢𑀦𑀸𑀦𑀺’’.

𑁭. ‘‘𑀲𑀢𑁆𑀢 𑀦𑀸𑀫 𑀓𑀺𑀁’’? ‘‘𑀲𑀢𑁆𑀢 𑀩𑁄𑀚𑁆𑀛𑀗𑁆𑀕𑀸’’.

𑁮. ‘‘𑀅𑀝𑁆𑀞 𑀦𑀸𑀫 𑀓𑀺𑀁’’? ‘‘𑀅𑀭𑀺𑀬𑁄 𑀅𑀝𑁆𑀞𑀗𑁆𑀕𑀺𑀓𑁄 𑀫𑀕𑁆𑀕𑁄’’.

𑁯. ‘‘𑀦𑀯 𑀦𑀸𑀫 𑀓𑀺𑀁’’? ‘‘𑀦𑀯 𑀲𑀢𑁆𑀢𑀸𑀯𑀸𑀲𑀸’’.

𑁧𑁦. ‘‘𑀤𑀲 𑀦𑀸𑀫 𑀓𑀺𑀁’’? ‘‘𑀤𑀲𑀳𑀗𑁆𑀕𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 ‘𑀅𑀭𑀳𑀸’𑀢𑀺 𑀯𑀼𑀘𑁆𑀘𑀢𑀻’’𑀢𑀺.

𑀓𑀼𑀫𑀸𑀭𑀧𑀜𑁆𑀳𑀸 𑀦𑀺𑀝𑁆𑀞𑀺𑀢𑀸.