𑁨. 𑀤𑁄𑀲𑀲𑀼𑀢𑁆𑀢𑀁

𑁨. 𑀯𑀼𑀢𑁆𑀢𑀜𑁆𑀳𑁂𑀢𑀁 𑀪𑀕𑀯𑀢𑀸, 𑀯𑀼𑀢𑁆𑀢𑀫𑀭𑀳𑀢𑀸𑀢𑀺 𑀫𑁂 𑀲𑀼𑀢𑀁 𑁋

‘‘𑀏𑀓𑀥𑀫𑁆𑀫𑀁, 𑀪𑀺𑀓𑁆𑀔𑀯𑁂, 𑀧𑀚𑀳𑀣; 𑀅𑀳𑀁 𑀯𑁄 𑀧𑀸𑀝𑀺𑀪𑁄𑀕𑁄 𑀅𑀦𑀸𑀕𑀸𑀫𑀺𑀢𑀸𑀬. 𑀓𑀢𑀫𑀁 𑀏𑀓𑀥𑀫𑁆𑀫𑀁? 𑀤𑁄𑀲𑀁, 𑀪𑀺𑀓𑁆𑀔𑀯𑁂, 𑀏𑀓𑀥𑀫𑁆𑀫𑀁 𑀧𑀚𑀳𑀣; 𑀅𑀳𑀁 𑀯𑁄 𑀧𑀸𑀝𑀺𑀪𑁄𑀕𑁄 𑀅𑀦𑀸𑀕𑀸𑀫𑀺𑀢𑀸𑀬𑀸’’𑀢𑀺. 𑀏𑀢𑀫𑀢𑁆𑀣𑀁 𑀪𑀕𑀯𑀸 𑀅𑀯𑁄𑀘. 𑀢𑀢𑁆𑀣𑁂𑀢𑀁 𑀇𑀢𑀺 𑀯𑀼𑀘𑁆𑀘𑀢𑀺 𑁋

‘‘𑀬𑁂𑀦 𑀤𑁄𑀲𑁂𑀦 𑀤𑀼𑀝𑁆𑀞𑀸𑀲𑁂, 𑀲𑀢𑁆𑀢𑀸 𑀕𑀘𑁆𑀙𑀦𑁆𑀢𑀺 𑀤𑀼𑀕𑁆𑀕𑀢𑀺𑀁;

𑀢𑀁 𑀤𑁄𑀲𑀁 𑀲𑀫𑁆𑀫𑀤𑀜𑁆𑀜𑀸𑀬, 𑀧𑀚𑀳𑀦𑁆𑀢𑀺 𑀯𑀺𑀧𑀲𑁆𑀲𑀺𑀦𑁄;

𑀧𑀳𑀸𑀬 𑀦 𑀧𑀼𑀦𑀸𑀬𑀦𑁆𑀢𑀺, 𑀇𑀫𑀁 𑀮𑁄𑀓𑀁 𑀓𑀼𑀤𑀸𑀘𑀦’’𑀦𑁆𑀢𑀺.

𑀅𑀬𑀫𑁆𑀧𑀺 𑀅𑀢𑁆𑀣𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸, 𑀇𑀢𑀺 𑀫𑁂 𑀲𑀼𑀢𑀦𑁆𑀢𑀺. 𑀤𑀼𑀢𑀺𑀬𑀁.