𑁩. 𑀲𑀭𑀡𑀕𑀫𑀦𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁯. ‘‘𑀆𑀭𑀼𑀳𑀺𑀫𑁆𑀳 𑀢𑀤𑀸 𑀦𑀸𑀯𑀁, 𑀪𑀺𑀓𑁆𑀔𑀼 𑀘𑀸𑀚𑀻𑀯𑀺𑀓𑁄 𑀘𑀳𑀁;

𑀦𑀸𑀯𑀸𑀬 𑀪𑀺𑀚𑁆𑀚𑀫𑀸𑀦𑀸𑀬, 𑀪𑀺𑀓𑁆𑀔𑀼 𑀫𑁂 𑀲𑀭𑀡𑀁 𑀅𑀤𑀸.

𑁨𑁦. ‘‘𑀏𑀓𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀲𑁄 𑀫𑁂 𑀲𑀭𑀡𑀁 𑀅𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀲𑀭𑀡𑀕𑀫𑀦𑁂 𑀨𑀮𑀁.

𑁨𑁧. ‘‘𑀓𑀺𑀮𑁂𑀲𑀸 𑀛𑀸𑀧𑀺𑀢𑀸 𑀫𑀬𑁆𑀳𑀁…𑀧𑁂… 𑀯𑀺𑀳𑀭𑀸𑀫𑀺 𑀅𑀦𑀸𑀲𑀯𑁄.

𑁨𑁨. ‘‘𑀲𑁆𑀯𑀸𑀕𑀢𑀁 𑀯𑀢 𑀫𑁂 𑀆𑀲𑀺…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁.

𑁨𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀭𑀡𑀕𑀫𑀦𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄

𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀭𑀡𑀕𑀫𑀦𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.