𑁧𑁦. 𑀧𑀤𑀼𑀫𑀥𑀸𑀭𑀺𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁭𑁮. ‘‘𑀳𑀺𑀫𑀯𑀦𑁆𑀢𑀲𑁆𑀲𑀸𑀯𑀺𑀤𑀽𑀭𑁂, 𑀭𑁄𑀫𑀲𑁄 𑀦𑀸𑀫 𑀧𑀩𑁆𑀩𑀢𑁄;

𑀩𑀼𑀤𑁆𑀥𑁄𑀧𑀺 𑀲𑀫𑁆𑀪𑀯𑁄 𑀦𑀸𑀫, 𑀅𑀩𑁆𑀪𑁄𑀓𑀸𑀲𑁂 𑀯𑀲𑀻 𑀢𑀤𑀸.

𑁭𑁯. ‘‘𑀪𑀯𑀦𑀸 𑀦𑀺𑀓𑁆𑀔𑀫𑀺𑀢𑁆𑀯𑀸𑀦, 𑀧𑀤𑀼𑀫𑀁 𑀥𑀸𑀭𑀬𑀺𑀁 𑀅𑀳𑀁;

𑀏𑀓𑀸𑀳𑀁 𑀥𑀸𑀭𑀬𑀺𑀢𑁆𑀯𑀸𑀦, 𑀪𑀯𑀦𑀁 𑀧𑀼𑀦𑀭𑀸𑀕𑀫𑀺𑀁.

𑁮𑁦. ‘‘𑀏𑀓𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀩𑀼𑀤𑁆𑀥𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁮𑁧. ‘‘𑀓𑀺𑀮𑁂𑀲𑀸 𑀛𑀸𑀧𑀺𑀢𑀸 𑀫𑀬𑁆𑀳𑀁…𑀧𑁂… 𑀯𑀺𑀳𑀭𑀸𑀫𑀺 𑀅𑀦𑀸𑀲𑀯𑁄.

𑁮𑁨. ‘‘𑀲𑁆𑀯𑀸𑀕𑀢𑀁 𑀯𑀢 𑀫𑁂 𑀆𑀲𑀺…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁.

𑁮𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀤𑀼𑀫𑀥𑀸𑀭𑀺𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄

𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀤𑀼𑀫𑀥𑀸𑀭𑀺𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀨𑀮𑀤𑀸𑀬𑀓𑀯𑀕𑁆𑀕𑁄 𑀤𑁆𑀯𑁂𑀧𑀜𑁆𑀜𑀸𑀲𑀫𑁄.