𑁫. 𑀧𑀜𑁆𑀘𑀳𑀢𑁆𑀣𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁭𑁭. ‘‘𑀲𑀼𑀫𑁂𑀥𑁄 𑀦𑀸𑀫 𑀲𑀫𑁆𑀩𑀼𑀤𑁆𑀥𑁄, 𑀕𑀘𑁆𑀙𑀢𑁂 𑀅𑀦𑁆𑀢𑀭𑀸𑀧𑀡𑁂;

𑀑𑀓𑁆𑀔𑀺𑀢𑁆𑀢𑀘𑀓𑁆𑀔𑀼 [𑀔𑀺𑀢𑁆𑀢𑀘𑀓𑁆𑀔𑀼 (𑀓. 𑀲𑀻. 𑀓.)] 𑀫𑀺𑀢𑀪𑀸𑀡𑀻, 𑀲𑀢𑀺𑀫𑀸 𑀲𑀁𑀯𑀼𑀢𑀺𑀦𑁆𑀤𑁆𑀭𑀺𑀬𑁄.

𑁭𑁮. ‘‘𑀧𑀜𑁆𑀘 𑀉𑀧𑁆𑀧𑀮𑀳𑀢𑁆𑀣𑀸𑀦𑀺, 𑀆𑀯𑁂𑀴𑀢𑁆𑀣𑀁 𑀅𑀳𑀁𑀲𑀼 𑀫𑁂;

𑀢𑁂𑀦 𑀩𑀼𑀤𑁆𑀥𑀁 𑀅𑀧𑀽𑀚𑁂𑀲𑀺𑀁, 𑀧𑀲𑀦𑁆𑀦𑁄 𑀲𑁂𑀳𑀺 𑀧𑀸𑀡𑀺𑀪𑀺.

𑁭𑁯. ‘‘𑀆𑀭𑁄𑀧𑀺𑀢𑀸 𑀘 𑀢𑁂 𑀧𑀼𑀧𑁆𑀨𑀸, 𑀙𑀤𑀦𑀁 𑀅𑀲𑁆𑀲𑀼 𑀲𑀢𑁆𑀣𑀼𑀦𑁄;

𑀲𑀫𑀸𑀥𑀺𑀁𑀲𑀼 [𑀲𑀁𑀲𑀸𑀯𑀺𑀁𑀲𑀼 (𑀲𑀻.)] 𑀫𑀳𑀸𑀦𑀸𑀕𑀁, 𑀲𑀺𑀲𑁆𑀲𑀸 𑀆𑀘𑀭𑀺𑀬𑀁 𑀬𑀣𑀸.

𑁮𑁦. ‘‘𑀢𑀺𑀁𑀲𑀓𑀧𑁆𑀧𑀲𑀳𑀲𑁆𑀲𑀫𑁆𑀳𑀺, 𑀬𑀁 𑀧𑀼𑀧𑁆𑀨𑀫𑀪𑀺𑀭𑁄𑀧𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁮𑁧. ‘‘𑀇𑀢𑁄 𑀯𑀻𑀲𑀓𑀧𑁆𑀧𑀲𑀢𑁂, 𑀅𑀳𑁂𑀲𑀼𑀁 𑀧𑀜𑁆𑀘 𑀔𑀢𑁆𑀢𑀺𑀬𑀸;

𑀳𑀢𑁆𑀣𑀺𑀬𑀸 𑀦𑀸𑀫 𑀦𑀸𑀫𑁂𑀦, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑀸.

𑁮𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀜𑁆𑀘𑀳𑀢𑁆𑀣𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀜𑁆𑀘𑀳𑀢𑁆𑀣𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀜𑁆𑀘𑀫𑀁.