𑁯. 𑀥𑀫𑁆𑀫𑀘𑀓𑁆𑀓𑀺𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁦𑁨. ‘‘𑀲𑀺𑀤𑁆𑀥𑀢𑁆𑀣𑀲𑁆𑀲 𑀪𑀕𑀯𑀢𑁄, 𑀲𑀻𑀳𑀸𑀲𑀦𑀲𑁆𑀲 𑀲𑀫𑁆𑀫𑀼𑀔𑀸;

𑀥𑀫𑁆𑀫𑀘𑀓𑁆𑀓𑀁 𑀫𑁂 𑀞𑀧𑀺𑀢𑀁, 𑀲𑀼𑀓𑀢𑀁 𑀯𑀺𑀜𑁆𑀜𑀼𑀯𑀡𑁆𑀡𑀺𑀢𑀁.

𑁧𑁦𑁩. ‘‘𑀘𑀸𑀭𑀼𑀯𑀡𑁆𑀡𑁄𑀯 𑀲𑁄𑀪𑀸𑀫𑀺, 𑀲𑀬𑁄𑀕𑁆𑀕𑀩𑀮𑀯𑀸𑀳𑀦𑁄;

𑀧𑀭𑀺𑀯𑀸𑀭𑁂𑀦𑁆𑀢𑀺 𑀫𑀁 𑀦𑀺𑀘𑁆𑀘𑀁, 𑀅𑀦𑀼𑀬𑀦𑁆𑀢𑀸 𑀩𑀳𑀼𑀚𑁆𑀚𑀦𑀸.

𑁧𑁦𑁪. ‘‘𑀲𑀝𑁆𑀞𑀺𑀢𑀽𑀭𑀺𑀬𑀲𑀳𑀲𑁆𑀲𑁂𑀳𑀺, 𑀧𑀭𑀺𑀘𑀸𑀭𑁂𑀫𑀳𑀁 𑀲𑀤𑀸;

𑀧𑀭𑀺𑀯𑀸𑀭𑁂𑀦 𑀲𑁄𑀪𑀸𑀫𑀺, 𑀧𑀼𑀜𑁆𑀜𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁.

𑁧𑁦𑁫. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀘𑀓𑁆𑀓𑀁 𑀞𑀧𑀬𑀺𑀁 𑀅𑀳𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀥𑀫𑁆𑀫𑀘𑀓𑁆𑀓𑀲𑁆𑀲𑀺𑀤𑀁 𑀨𑀮𑀁.

𑁧𑁦𑁬. ‘‘𑀇𑀢𑁄 𑀏𑀓𑀸𑀤𑀲𑁂 𑀓𑀧𑁆𑀧𑁂, 𑀅𑀝𑁆𑀞𑀸𑀲𑀺𑀁𑀲𑀼 𑀚𑀦𑀸𑀥𑀺𑀧𑀸;

𑀲𑀳𑀲𑁆𑀲𑀭𑀸𑀚𑀦𑀸𑀫𑁂𑀦, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑀸.

𑁧𑁦𑁭. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀥𑀫𑁆𑀫𑀘𑀓𑁆𑀓𑀺𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀥𑀫𑁆𑀫𑀘𑀓𑁆𑀓𑀺𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀦𑀯𑀫𑀁.