𑁬. 𑀓𑀤𑀫𑁆𑀩𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁦. ‘‘𑀲𑀼𑀯𑀡𑁆𑀡𑀯𑀡𑁆𑀡𑀁 𑀲𑀫𑁆𑀩𑀼𑀤𑁆𑀥𑀁, 𑀕𑀘𑁆𑀙𑀦𑁆𑀢𑀁 𑀅𑀦𑁆𑀢𑀭𑀸𑀧𑀡𑁂;

𑀓𑀜𑁆𑀘𑀦𑀕𑁆𑀖𑀺𑀬𑀲𑀗𑁆𑀓𑀸𑀲𑀁, 𑀩𑀸𑀢𑁆𑀢𑀺𑀁𑀲𑀯𑀭𑀮𑀓𑁆𑀔𑀡𑀁.

𑁨𑁧. ‘‘𑀦𑀺𑀲𑀚𑁆𑀚 𑀧𑀸𑀲𑀸𑀤𑀯𑀭𑁂, 𑀅𑀤𑁆𑀤𑀲𑀁 𑀮𑁄𑀓𑀦𑀸𑀬𑀓𑀁;

𑀓𑀤𑀫𑁆𑀩𑀧𑀼𑀧𑁆𑀨𑀁 𑀧𑀕𑁆𑀕𑀬𑁆𑀳, 𑀯𑀺𑀧𑀲𑁆𑀲𑀺𑀁 𑀅𑀪𑀺𑀧𑀽𑀚𑀬𑀺𑀁.

𑁨𑁨. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀩𑀼𑀤𑁆𑀥𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁨𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀓𑀤𑀫𑁆𑀩𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀓𑀤𑀫𑁆𑀩𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀙𑀝𑁆𑀞𑀁.