𑁪. 𑀲𑀓𑁄𑀲𑀓𑀓𑁄𑀭𑀡𑁆𑀟𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁪. ‘‘𑀅𑀓𑁆𑀓𑀦𑁆𑀢𑀜𑁆𑀘 𑀧𑀤𑀁 𑀤𑀺𑀲𑁆𑀯𑀸, 𑀲𑀺𑀔𑀺𑀦𑁄 𑀮𑁄𑀓𑀩𑀦𑁆𑀥𑀼𑀦𑁄;

𑀏𑀓𑀁𑀲𑀁 𑀅𑀚𑀺𑀦𑀁 𑀓𑀢𑁆𑀯𑀸, 𑀧𑀤𑀲𑁂𑀝𑁆𑀞𑀁 𑀅𑀯𑀦𑁆𑀤𑀳𑀁.

𑁧𑁫. ‘‘𑀓𑁄𑀭𑀡𑁆𑀟𑀁 𑀧𑀼𑀧𑁆𑀨𑀺𑀢𑀁 𑀤𑀺𑀲𑁆𑀯𑀸, 𑀧𑀸𑀤𑀧𑀁 𑀥𑀭𑀡𑀻𑀭𑀼𑀳𑀁;

𑀲𑀓𑁄𑀲𑀓𑀁 [𑀲𑀓𑁄𑀝𑀓𑀁 (𑀲𑀻. 𑀲𑁆𑀬𑀸.)] 𑀕𑀳𑁂𑀢𑁆𑀯𑀸𑀦, 𑀧𑀤𑀘𑀓𑁆𑀓𑀁 𑀅𑀧𑀽𑀚𑀬𑀺𑀁.

𑁧𑁬. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀓𑀫𑁆𑀫𑀫𑀓𑀭𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀧𑀤𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁧𑁭. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀓𑁄𑀲𑀓 [𑀲𑀓𑁄𑀝𑀓 (𑀲𑀻. 𑀲𑁆𑀬𑀸.)] 𑀓𑁄𑀭𑀡𑁆𑀟𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀓𑁄𑀲𑀓𑀓𑁄𑀭𑀡𑁆𑀟𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀘𑀢𑀼𑀢𑁆𑀣𑀁.