𑁧𑁦. 𑀏𑀓𑀜𑁆𑀚𑀮𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁬𑁩. ‘‘𑀭𑁄𑀫𑀲𑁄 [𑀭𑁂𑀯𑀢𑁄 (𑀲𑀻.)] 𑀦𑀸𑀫 𑀲𑀫𑁆𑀩𑀼𑀤𑁆𑀥𑁄, 𑀦𑀤𑀻𑀓𑀽𑀮𑁂 𑀯𑀲𑀻 𑀢𑀤𑀸;

𑀅𑀤𑁆𑀤𑀲𑀁 𑀯𑀺𑀭𑀚𑀁 𑀩𑀼𑀤𑁆𑀥𑀁, 𑀧𑀻𑀢𑀭𑀁𑀲𑀺𑀁𑀯 𑀪𑀸𑀡𑀼𑀫𑀁.

𑁬𑁪. ‘‘𑀉𑀓𑁆𑀓𑀸𑀫𑀼𑀔𑀧𑀳𑀝𑁆𑀞𑀁𑀯, 𑀔𑀤𑀺𑀭𑀗𑁆𑀕𑀸𑀭𑀲𑀦𑁆𑀦𑀺𑀪𑀁;

𑀑𑀲𑀥𑀺𑀁𑀯 𑀯𑀺𑀭𑁄𑀘𑀦𑁆𑀢𑀁, 𑀏𑀓𑀜𑁆𑀚𑀮𑀺𑀫𑀓𑀸𑀲𑀳𑀁.

𑁬𑁫. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀅𑀜𑁆𑀚𑀮𑀺𑀫𑀓𑀸𑀲𑀳𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀅𑀜𑁆𑀚𑀮𑀺𑀬𑀸 𑀇𑀤𑀁 𑀨𑀮𑀁.

𑁬𑁬. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀏𑀓𑀜𑁆𑀚𑀮𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀏𑀓𑀜𑁆𑀚𑀮𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀏𑀓𑀧𑀤𑀼𑀫𑀺𑀬𑀯𑀕𑁆𑀕𑁄 𑀧𑀜𑁆𑀘𑀢𑀺𑀁𑀲𑀢𑀺𑀫𑁄.