𑁮. 𑀅𑀦𑀼𑀮𑁂𑀧𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁯. ‘‘𑀅𑀢𑁆𑀣𑀤𑀲𑁆𑀲𑀺𑀲𑁆𑀲 𑀫𑀼𑀦𑀺𑀦𑁄, 𑀅𑀤𑁆𑀤𑀲𑀁 𑀲𑀸𑀯𑀓𑀁 𑀅𑀳𑀁;

𑀦𑀯𑀓𑀫𑁆𑀫𑀁 𑀓𑀭𑁄𑀦𑁆𑀢𑀲𑁆𑀲, 𑀲𑀻𑀫𑀸𑀬 𑀉𑀧𑀕𑀘𑁆𑀙𑀳𑀁.

𑁪𑁦. ‘‘𑀦𑀺𑀝𑁆𑀞𑀺𑀢𑁂 𑀦𑀯𑀓𑀫𑁆𑀫𑁂 𑀘, 𑀅𑀦𑀼𑀮𑁂𑀧𑀫𑀤𑀸𑀲𑀳𑀁;

𑀧𑀲𑀦𑁆𑀦𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑁂 𑀅𑀦𑀼𑀢𑁆𑀢𑀭𑁂.

𑁪𑁧. ‘‘𑀅𑀝𑁆𑀞𑀸𑀭𑀲𑁂 𑀓𑀧𑁆𑀧𑀲𑀢𑁂, 𑀬𑀁 𑀓𑀫𑁆𑀫𑀫𑀓𑀭𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀅𑀦𑀼𑀮𑁂𑀧𑀲𑁆𑀲𑀺𑀤𑀁 𑀨𑀮𑀁.

𑁪𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀅𑀦𑀼𑀮𑁂𑀧𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀅𑀦𑀼𑀮𑁂𑀧𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀅𑀝𑁆𑀞𑀫𑀁.