𑁧. 𑀧𑀤𑀼𑀫𑀓𑁂𑀲𑀭𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁧. ‘‘𑀇𑀲𑀺𑀲𑀗𑁆𑀖𑁂 𑀅𑀳𑀁 𑀧𑀼𑀩𑁆𑀩𑁂, 𑀆𑀲𑀺𑀁 𑀫𑀸𑀢𑀗𑁆𑀕𑀯𑀸𑀭𑀡𑁄;

𑀫𑀳𑁂𑀲𑀻𑀦𑀁 𑀧𑀲𑀸𑀤𑁂𑀦, 𑀧𑀤𑁆𑀫𑀓𑁂𑀲𑀭𑀫𑁄𑀓𑀺𑀭𑀺𑀁.

𑁨. ‘‘𑀧𑀘𑁆𑀘𑁂𑀓𑀚𑀺𑀦𑀲𑁂𑀝𑁆𑀞𑁂𑀲𑀼, 𑀥𑀼𑀢𑀭𑀸𑀕𑁂𑀲𑀼 𑀢𑀸𑀤𑀺𑀲𑀼;

𑀢𑁂𑀲𑀼 𑀘𑀺𑀢𑁆𑀢𑀁 𑀧𑀲𑀸𑀤𑁂𑀢𑁆𑀯𑀸, 𑀓𑀧𑁆𑀧𑀁 𑀲𑀕𑁆𑀕𑀫𑁆𑀳𑀺 𑀫𑁄𑀤𑀳𑀁.

𑁩. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀓𑁂𑀲𑀭𑀁 𑀑𑀓𑀺𑀭𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁪. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄, 𑀯𑀺𑀫𑁄𑀓𑁆𑀔𑀸𑀧𑀺 𑀘 𑀅𑀝𑁆𑀞𑀺𑀫𑁂;

𑀙𑀴𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀢𑀸, 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀤𑀼𑀫𑀓𑁂𑀲𑀭𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀤𑀼𑀫𑀓𑁂𑀲𑀭𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀞𑀫𑀁.