𑁯. 𑀏𑀓𑀜𑁆𑀚𑀮𑀺𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁮𑁦. ‘‘𑀲𑀼𑀯𑀡𑁆𑀡𑀯𑀡𑁆𑀡𑀁 𑀲𑀫𑁆𑀩𑀼𑀤𑁆𑀥𑀁, 𑀕𑀘𑁆𑀙𑀦𑁆𑀢𑀁 𑀅𑀦𑁆𑀢𑀭𑀸𑀧𑀡𑁂;

𑀯𑀺𑀧𑀲𑁆𑀲𑀺𑀁 𑀲𑀢𑁆𑀣𑀯𑀸𑀳𑀕𑁆𑀕𑀁, 𑀦𑀭𑀯𑀭𑀁 𑀯𑀺𑀦𑀸𑀬𑀓𑀁.

𑁧𑁮𑁧. ‘‘𑀅𑀤𑀦𑁆𑀢𑀤𑀫𑀦𑀁 𑀢𑀸𑀤𑀺𑀁, 𑀫𑀳𑀸𑀯𑀸𑀤𑀺𑀁 𑀫𑀳𑀸𑀫𑀢𑀺𑀁;

𑀤𑀺𑀲𑁆𑀯𑀸 𑀧𑀲𑀦𑁆𑀦𑁄 𑀲𑀼𑀫𑀦𑁄, 𑀏𑀓𑀜𑁆𑀚𑀮𑀺𑀫𑀓𑀸𑀲𑀳𑀁.

𑁧𑁮𑁨. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀫𑀜𑁆𑀚𑀮𑀺𑀁 𑀓𑀭𑀺𑀁 [𑀬𑀁 𑀅𑀜𑁆𑀚𑀮𑀺𑀫𑀓𑀭𑀺𑀁 (𑀲𑁆𑀬𑀸.), 𑀅𑀜𑁆𑀚𑀮𑀺𑀫𑀓𑀭𑀺𑀁 (𑀓.)] 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀅𑀜𑁆𑀚𑀮𑀺𑀲𑁆𑀲 𑀇𑀤𑀁 𑀨𑀮𑀁.

𑁧𑁮𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄, 𑀯𑀺𑀫𑁄𑀓𑁆𑀔𑀸𑀧𑀺 𑀘 𑀅𑀝𑁆𑀞𑀺𑀫𑁂;

𑀙𑀴𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀢𑀸, 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀏𑀓𑀜𑁆𑀚𑀮𑀺𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀏𑀓𑀜𑁆𑀚𑀮𑀺𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀦𑀯𑀫𑀁.