𑁧𑁦. 𑀢𑀭𑀡𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁯. ‘‘𑀲𑀼𑀯𑀡𑁆𑀡𑀯𑀡𑁆𑀡𑁄 𑀲𑀫𑁆𑀩𑀼𑀤𑁆𑀥𑁄, 𑀯𑀺𑀧𑀲𑁆𑀲𑀻 𑀤𑀓𑁆𑀔𑀺𑀡𑀸𑀭𑀳𑁄;

𑀦𑀤𑀻𑀢𑀻𑀭𑁂 𑀞𑀺𑀢𑁄 𑀲𑀢𑁆𑀣𑀸, 𑀪𑀺𑀓𑁆𑀔𑀼𑀲𑀗𑁆𑀖𑀧𑀼𑀭𑀓𑁆𑀔𑀢𑁄.

𑁪𑁦. ‘‘𑀦𑀸𑀯𑀸 𑀦 𑀯𑀺𑀚𑁆𑀚𑀢𑁂 𑀢𑀢𑁆𑀣, 𑀲𑀦𑁆𑀢𑀸𑀭𑀡𑀻 𑀫𑀳𑀡𑁆𑀡𑀯𑁂;

𑀦𑀤𑀺𑀬𑀸 𑀅𑀪𑀺𑀦𑀺𑀓𑁆𑀔𑀫𑁆𑀫, 𑀢𑀸𑀭𑁂𑀲𑀺𑀁 𑀮𑁄𑀓𑀦𑀸𑀬𑀓𑀁.

𑁪𑁧. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀢𑀸𑀭𑁂𑀲𑀺𑀁 𑀦𑀭𑀼𑀢𑁆𑀢𑀫𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀢𑀭𑀡𑀸𑀬 𑀇𑀤𑀁 𑀨𑀮𑀁.

𑁪𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀢𑀭𑀡𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀢𑀭𑀡𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀧𑀤𑀼𑀫𑀼𑀓𑁆𑀔𑀺𑀧𑀯𑀕𑁆𑀕𑁄 𑀲𑀢𑁆𑀢𑀯𑀻𑀲𑀢𑀺𑀫𑁄.