𑁭. 𑀫𑀜𑁆𑀚𑀭𑀺𑀧𑀽𑀚𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁩. ‘‘𑀫𑀜𑁆𑀚𑀭𑀺𑀓𑀁 𑀓𑀭𑀺𑀢𑁆𑀯𑀸𑀦, 𑀭𑀣𑀺𑀬𑀁 𑀧𑀝𑀺𑀧𑀚𑁆𑀚𑀳𑀁;

𑀅𑀤𑁆𑀤𑀲𑀁 𑀲𑀫𑀡𑀸𑀦𑀕𑁆𑀕𑀁, 𑀪𑀺𑀓𑁆𑀔𑀼𑀲𑀗𑁆𑀖𑀧𑀼𑀭𑀓𑁆𑀔𑀢𑀁.

𑁨𑁪. ‘‘𑀧𑀲𑀦𑁆𑀦𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀧𑀭𑀫𑀸𑀬 𑀘 𑀧𑀻𑀢𑀺𑀬𑀸;

𑀉𑀪𑁄 𑀳𑀢𑁆𑀣𑁂𑀳𑀺 𑀧𑀕𑁆𑀕𑀬𑁆𑀳, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁.

𑁨𑁫. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀧𑀼𑀧𑁆𑀨𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁨𑁬. ‘‘𑀇𑀢𑁄 𑀢𑁂𑀲𑀢𑁆𑀢𑀢𑀺𑀓𑀧𑁆𑀧𑁂, 𑀏𑀓𑁄 𑀆𑀲𑀺𑀁 𑀫𑀳𑀻𑀧𑀢𑀺;

𑀚𑁄𑀢𑀺𑀬𑁄 𑀦𑀸𑀫 𑀦𑀸𑀫𑁂𑀦, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁨𑁭. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀫𑀜𑁆𑀚𑀭𑀺𑀧𑀽𑀚𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀫𑀜𑁆𑀚𑀭𑀺𑀧𑀽𑀚𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀲𑀢𑁆𑀢𑀫𑀁.