𑁧𑁦. 𑀅𑀕𑁆𑀕𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁭. ‘‘𑀲𑀼𑀯𑀡𑁆𑀡𑀯𑀡𑁆𑀡𑀁 𑀲𑀫𑁆𑀩𑀼𑀤𑁆𑀥𑀁, 𑀦𑀺𑀲𑀺𑀦𑁆𑀦𑀁 𑀧𑀩𑁆𑀩𑀢𑀦𑁆𑀢𑀭𑁂;

𑀑𑀪𑀸𑀲𑀬𑀦𑁆𑀢𑀁 𑀭𑀁𑀲𑁂𑀦 [𑀭𑀁𑀲𑀺𑀬𑀸 (𑀲𑁆𑀬𑀸.)], 𑀲𑀺𑀔𑀺𑀦𑀁 𑀲𑀺𑀔𑀺𑀦𑀁 𑀬𑀣𑀸.

𑁩𑁮. ‘‘𑀅𑀕𑁆𑀕𑀚𑀁 𑀧𑀼𑀧𑁆𑀨𑀫𑀸𑀤𑀸𑀬, 𑀉𑀧𑀸𑀕𑀘𑁆𑀙𑀺𑀁 𑀦𑀭𑀼𑀢𑁆𑀢𑀫𑀁;

𑀧𑀲𑀦𑁆𑀦𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁.

𑁩𑁯. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁪𑁦. ‘‘𑀧𑀜𑁆𑀘𑀯𑀻𑀲𑀢𑀺𑀓𑀧𑁆𑀧𑀫𑁆𑀳𑀺, 𑀅𑀳𑁄𑀲𑀺 𑀅𑀫𑀺𑀢𑁄𑀕𑀢𑁄 [𑀅𑀫𑀺𑀢𑀯𑁆𑀳𑀬𑁄 (𑀲𑀻.)];

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁪𑁧. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀅𑀕𑁆𑀕𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀅𑀕𑁆𑀕𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀣𑁄𑀫𑀓𑀯𑀕𑁆𑀕𑁄 𑀙𑀩𑁆𑀩𑀻𑀲𑀢𑀺𑀫𑁄.