𑁩. 𑀦𑀴𑀺𑀦𑀓𑁂𑀲𑀭𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁯. ‘‘𑀚𑀸𑀢𑀲𑁆𑀲𑀭𑀲𑁆𑀲 𑀯𑁂𑀫𑀚𑁆𑀛𑁂, 𑀯𑀲𑀸𑀫𑀺 𑀚𑀮𑀓𑀼𑀓𑁆𑀓𑀼𑀝𑁄;

𑀅𑀤𑁆𑀤𑀲𑀸𑀳𑀁 [𑀅𑀣𑀤𑁆𑀤𑀲𑀁 (𑀲𑀻. 𑀲𑁆𑀬𑀸.)] 𑀤𑁂𑀯𑀤𑁂𑀯𑀁, 𑀕𑀘𑁆𑀙𑀦𑁆𑀢𑀁 𑀅𑀦𑀺𑀮𑀜𑁆𑀚𑀲𑁂.

𑁧𑁦. ‘‘𑀢𑀼𑀡𑁆𑀟𑁂𑀦 𑀓𑁂𑀲𑀭𑀺𑀁 [𑀓𑁂𑀲𑀭𑀁 (𑀲𑁆𑀬𑀸.)] 𑀕𑀬𑁆𑀳, 𑀯𑀺𑀧𑁆𑀧𑀲𑀦𑁆𑀦𑁂𑀦 𑀘𑁂𑀢𑀲𑀸;

𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑁂𑀲𑀺𑀁, 𑀢𑀺𑀲𑁆𑀲𑀲𑁆𑀲 𑀮𑁄𑀓𑀩𑀦𑁆𑀥𑀼𑀦𑁄.

𑁧𑁧. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁧𑁨. ‘‘𑀢𑁂𑀲𑀢𑁆𑀢𑀢𑀺𑀫𑁆𑀳𑀺 𑀓𑀧𑁆𑀧𑀫𑁆𑀳𑀺, 𑀲𑀢𑁆𑀢 𑀓𑁂𑀲𑀭𑀦𑀸𑀫𑀓𑀸 [𑀲𑀢𑀧𑀢𑁆𑀢𑀲𑀦𑀸𑀫𑀓𑁄 (𑀲𑀻. 𑀲𑁆𑀬𑀸.)];

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑀸, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑀸.

𑁧𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀦𑀴𑀺𑀦𑀓𑁂𑀲𑀭𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀦𑀴𑀺𑀦𑀓𑁂𑀲𑀭𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.