𑁨. 𑀪𑀸𑀚𑀦𑀧𑀸𑀮𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁫. ‘‘𑀦𑀕𑀭𑁂 𑀩𑀦𑁆𑀥𑀼𑀫𑀢𑀺𑀬𑀸, 𑀓𑀼𑀫𑁆𑀪𑀓𑀸𑀭𑁄 𑀅𑀳𑀁 𑀢𑀤𑀸;

𑀪𑀸𑀚𑀦𑀁 𑀅𑀦𑀼𑀧𑀸𑀮𑁂𑀲𑀺𑀁, 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀢𑀸𑀯𑀤𑁂.

𑁬. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀪𑀸𑀚𑀦𑀁 𑀅𑀦𑀼𑀧𑀸𑀮𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀪𑀸𑀚𑀦𑀲𑁆𑀲 𑀇𑀤𑀁 𑀨𑀮𑀁.

𑁭. ‘‘𑀢𑁂𑀧𑀜𑁆𑀜𑀸𑀲𑁂 𑀇𑀢𑁄 𑀓𑀧𑁆𑀧𑁂, 𑀅𑀦𑀦𑁆𑀢𑀚𑀸𑀮𑀺𑀦𑀸𑀫𑀓𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀪𑀸𑀚𑀦𑀧𑀸𑀮𑀓𑁄 [𑀪𑀸𑀚𑀦𑀤𑀸𑀬𑀓𑁄 (𑀲𑀻. 𑀲𑁆𑀬𑀸.)] 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀪𑀸𑀚𑀦𑀧𑀸𑀮𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀼𑀢𑀺𑀬𑀁.